12px13px15px17px
Tarix:12/04/13

MTRŞ Rəqəmli TV yayımı ilə bağlı iclas keçirdi

Milli Televiziya və Radio Şurası (MTRŞ) Azərbaycanda rəqəmli yayımla bağlı növbəti iclasını keçirib. Şuradan "ICTnews.az" elektron xəbər xidmətinə verilən məlumata görə, iclasda ölkədə DVB-T rəqəmli televiziya yayım sisteminin tətbiqi ilə əlaqədar olaraq qarşıda duran vəzifələr müzakirə edilib.

Respublika ərazisində DVB-T rəqəmli televiziya yayım sisteminin tətbiqi ilə əlaqədar zəruri texniki-hüquqi prosedur və sənədlərin müvafiq qanunvericilik və beynəlxalq təcrübəyə uyğun surətdə hazırlanması məqsədilə teleradio yayımçılarının xüsusi razılıq (lisenziya) verilməsi və xüsusi razılıq (lisenziya) müddətlərinin uzadılması barədə müraciətlərinə baxılması Milli Televiziya və Radio Şurasının qərarına əsasən müvəqqəti olaraq təxirə salınıb.

Belə ki, "Rəqəmli radio-televiziya yayımı üçün lisenziyaların verilməsi Qaydaları"nın hazırlanması işinin başa çatdırılmasının təmin edilməsi Milli Televiziya və Radio Şurası Aparatına tapşırılıb.

Eyni zamanda, iclasda xüsusi razılıq (lisenziya) müddətlərinin uzadılması barədə Şuraya müraciət edən teleradio yayımçılarının fəaliyyətinin xüsusi razılıq (lisenziya) müddətlərinin uzadılması barədə müraciətlərə baxılanadək davam etdirilməsi qərara alınıb.

SEYMUR



Baxış sayı: 828

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024