İKT

Tarix:07/05/13

Avropa Komissiyası “Apple” şirkətini “Motorola Mobility” ilə mübarizədə dəstəkləyir

Mobil telefon istehsalçısı "Motorola Mobility" Avropa İttifaqı bazarında tutduğu hakim mövqeyindən sui-istifadə edərək "Apple" şirkətinə qarşı SEP-patentlərin (standard-essential patents) pozulması faktı ilə Almaniyada məhkəmə araşdırmasına başlanılmasına müvəffəq olub.
"ICTnews" xəbər xidmətinin "www.cybersecurity.ru" saytına istinadən verdiyi məlumata əsasən, bu qənaətə Avropa Komissiyası "Apple" şirkətinin "Motorola Mobility" dən şikayətindən sonra gəlib.

Avropa Komissiyası "Motorola Mobility" şirkətinə qarşı araşdırmaya 2012-ci ilin aprel ayında onun ümumsahəli patentlərdən sui-istifadə edib-etməməsini müəyyən etmək məqsədi ilə başlayıb və cəhd edib ki, Almaniyada "Apple" şirkətinin qurğularının satışını qadağa etsin.

Brüsselin bəyanatında bildirilir ki, "Motorola" öncə FRAND-lisenziyalaşma üzrə öhdəlik götürüb, lakin "Apple" şirkətini onun üçün səmərəli olmayan şərtlərlə lisenziyalı razılaşma bağlamağa məcbur edib.

Ən çox qarşıdurma "Motorola"nın GPRS texnologiyaları ilə bağlı patentləri ətrafında olub. "Motorola" şirkəti patent razılaşmasının bağlanmasını tələb ediblər, lakin "Apple" bildirib ki, FRAND-lisenziyalaşma şərtlərinə əsasən GPRS-royaltini müştəri qurğularının istehsalçıları yox, operator avadanlığının istehsalçıları ödəyirlər, bundan başqa "Motorola" ETSI (European Telecommunications Standardisation Institute) institutunda ümumsahəli lisenziyalaşma ilə bağlı da öhdəlik götürüb. Avropa Komissiyasının xülasəsində bildirilib ki, "Motorola"nın bu cür hərəkətləri Avropa bazarında rəqabətli bazarın inkişafına zərər vurur.

Qeyd edək ki, bu xülasə müvəqqəti xarakter daşıyır və araşdırmanın dayandırılması üçün səbəb deyil.

Aynur Vəliyeva

Baxış sayı: 664