12px13px15px17px
Tarix:27/05/13

GSM və rəqəmli televiziya tezlikləri üzrə iclas keçiriləcək

Azərbaycan yaxın zamanda Gürcüstanla GSM və rəqəmli televiziya tezliklərinin koordinasiyası üzrə növbəti görüş keçirəcək. Azərbaycan Rabitə və İnformasiya Texnologiyaları Nazirliyinin Dövlət Radiotezliklər İdarəsindən (DRİ) “ICTnews” xəbər xidmətinə verilən məlumata əsasən, hazırda tezliklərin koordinasiyası üzrə görüşün dəqiq vaxtı müəyyən edilməyib.

“Görüş yaxın zamanda keçirilməlidir və Azərbaycanla Gürcüstan arasında GSM rabitəsi üçün nəzərdə tutulmuş 1800 və 900 Mhz tezliklərin və rəqəmli televiziya 3 diapazonda yayımını təmin edən 470-862 Mhz və 3 diapazonda televiziya yayımını təmin edən 174-230 Mhz tezliklərinin koordinasiyası məsələlərinin müzakirəsini nəzərdə tutur”,- deyə Radiotezliklər idarəsində bildiriblər.

Qeyd edilən koordinasiya işləri iki ölkənin sərhəd xəttində yerləşən ərazilərdə mobil rabitə və televiziya yayımı sahələrində bir-birinin tezlik diapazonuna müdaxilə etməsinin qarşısının alınması məqsədi ilə aparılır.

Aynur Vəliyeva



Baxış sayı: 969

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






28 Mart 2024

27 03 2024