12px13px15px17px
Tarix:29/05/13

Vergi sistemində kompüter əsaslı audit sisteminin yaradılması başa çatıb

Bu gün “Kompüter əsaslı audit sistemi sahəsində Vergilər Nazirliyinə dəstəyin göstərilməsi” “Tvinninq” layihəsinin başa çatdırılması ilə bağlı təqdimat mərasimi keçirilib.

“ICTnews.az” elektron xəbər xidmətinin məlumatına görə, tədbirdə çıxış edən vergilər naziri Fazil Məmmədov “Tvininq” layihəsini Azərbaycan və Avropa İttifaqı arasında mövcud olan səmərəli əməkdaşlığın real nəticələrindən biri kimi dəyərləndirib.

Nazir qeyd edib ki, Vergilər Nazirliyi vergi qanunvericiliyinin və inzibatçılığının müasir tələblər səviyyəsində qurulması üçün son illər ərzində bir sıra iri layihələr, o cümlədən elektron bəyannamələr, elektron hesab-fakturalar, elektron qeydiyyat və mobil imza kimi texnoloji tutumlu layihələr həyata keçirib.

Nazir əlavə edib ki, elektron auditin tətbiqi üçün müvafiq hüquqi bazanın yaradılması məqsədi ilə 2013-cü il yanvarın 1-də Vergilər Məcəlləsinə e-audit proseslərinin hüquqi əsaslarını tənzimləyən 13 yeni maddə daxil edilib. Bundan başqa, Azərbaycanda fəaliyyət göstərən müəssisələrin sahə spesifikliyi nəzərə alınmaqla sahələr üzrə audit testləri və e-auditin tətbiqi üçün metodik tövsiyələr hazırlanaraq tətbiq edilib. VN-in artıq kifayət qədər məlumat bazasına malik olduğunu qeyd edən F.Məmmədov bildirib ki, nazirlikdə elmi əsaslara söykənən intellektual təhlil texnologiyaların tətbiqi üçün lazımi əsaslar yaradılıb.

“Neft, bank və ticarət sektorlarında elektron auditin tətbiqinin ilkin nəticələri göstərir ki, vergidən yayınma risklərinin təhlilinin avtomatlaşdırılmış qaydada aparılması nəticəsində bir yoxlamaya sərf olunan vaxt və insan resurslarının həcmi təxminən 1,5 dəfə azalıb”- deyən nazirin sözlərinə görə, bütün bunlar da e-auditin tətbiqi sahəsində görülən işlərin davam etdirilməsini, tədricən e-auditin tətbiqinin genişləndirilməsinin vacibliyini ortaya qoyur.

Nazir qeyd edib ki, elektron audit layihəsinin həyata keçirilməsi ilə bağlı hazırlıq işləri 3 il əvvəl başlanılıb: “2010-cu ilin may ayında tender keçirilib, Avropa İttifaqı tərəfindən müvafiq maliyyə resursları ayrılıb. “Tvinninq” layihəsinin tərəfdaşı kimi Niderland Krallığının Vergi Administrasiyası seçilib və 2011-ci ilin mart ayında layihənin icrasına başlanılıb”.

Avropa İttifaqının Azərbaycandakı nümayəndəliyinin rəhbəri Roland Kobia isə bildirib ki, dünyada maliyyə çətinliklərinin yaşandığı bir vaxtda Vergilər nazirliklərinin üzərinə böyük iş düşür. O qeyd edib ki, bu layihəyə Azərbaycanın, xüsusilə risklərin idarə olunması sahəsində ehtiyacı var:

“Avropa İttifaqında dəfələrlə vurğulayırıq ki, Azərbaycana bu sahədə mütəmadi dəstəyin göstərilməsinə hazırıq”. O qeyd edib ki, layihənin çox uğurlu nəticələnməsi onu davam etdirməyə əsas yaradır.

SEYMUR



Baxış sayı: 463

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






02 İyun 2020

01 06 2020

01/06/20
Alimlər natrium-ion batareyası hazırlayıblar

Alimlər natrium-ion batareyası hazırlayıb. Vaşinqton Universitetinin alimlərinin elmi işi “ACS Energy Let

01/06/20
2020-ci ildə dünyanın ən sürətlə inkişaf edən smartfon bazarının həcmi 15% azalacaq

Analitiklər əvvəllər dəfələrlə dünyada ən sürətlə inkişaf edən bazar kimi tanınan Hindistanın smartfonlar

01/06/20
Nazir Ramin Quluzadə uşaqlarla onlayn formatda görüşüb

Nəqliyyat, Rabitə və Yüksək Texnologiyalar Nazirliyi və “Zəfər: Şəhid ailələrinə dəstək” İctimai Birliyi

01/06/20
“Android 11” sisteminin buraxılışı təxirə salınıb

“Google” şirkəti smartfonlar üçün “Android” əməliyyat sisteminin yeni versiyasının iyunun 3-nə nəzərdə

01/06/20
“MSI Creator 15” noutbuku “4К” formatlı ekranla təchiz edilib

“MSI” şirkəti peşəkar istifadəçilər üçün nəzərdə tutulan “Creator 15” portativ kompüterini

01/06/20
“Microsoft” korporasiyası “Windows 10” üçün yeniləmə təqdim edib

ABŞ-ın “Microsoft” korporasiyası “Windows 10” əməliyyat sistemi üçün “Windows 10 May 2020 Update&

01/06/20
Yeni “Redmi 10X” smartfonu satışa çıxarılıb

“Redmi” şirkəti iyunun 1-də Çində ötən həftə təqdim edilən “Redmi 10X” smartfonunu satışa çıxarıb. O,

01/06/20
“Android” smartfonları üçün yeni “Samsung” prosessoru təqdim edilib

“Samsung” şirkəti mobil prosessorlar çeşidini genişləndirərək “Exynos 850” adlı çip təqdim

01/06/20
“HUAWEI”nin yeni hazırlaması “5G” texnologiyasının istifadəyə verilməsini daha asan və ucuz edir

“5G” simsiz rabitə texnologiyası daha kütləvi “3G” və “4G” ilə müqayisədə sürət

01/06/20
Azərbaycanda poçt rabitəsinin yaradılmasından 202 il ötür

Azərbaycanda poçt rabitəsinin yaradılmasından 202 il ötür. Ölkəmizdə poçt rabitəsi Səfəvilərin hakimiyyəti