12px13px15px17px
Tarix:03/06/13

Bakıda 1-ci Beynəlxalq “Bakı Gələcək Forumu” öz işinə başlayıb

Bakıda Azərbaycan Futuroloqlar Cəmiyyəti və "Minilliyin layihəsi"nin Azərbaycan bölməsi tərəfindən təşkil olunan 1-ci Beynəlxalq "Bakı Gələcək Forumu" öz işinə başlayıb.

Rabitə və İnformasiya Texnologiyaları Nazirliyi, Azərbaycan Prezidenti yanında Strateji Tədqiqatlar Mərkəzi və Azərbaycan Dövlət İqtisad Universitetinin dəstəyi ilə keçirilən tədbirə ABŞ, Kanada, Meksika, Venesuela, Uruqvay, Braziliya, Çili, Finlandiya, Çernoqoriya, Sloveniya, Rumıniya, Polşa, Çexiya, Rusiya, Fransa, Almaniya, İspaniya, Belçika, Böyük Britaniya, Hindistan, Cənubi Koreya, Çin, İsrail, Türkiyə, İran, Misir, Keniya, CAR kimi dövlətlər qatılıblar.

"NASA", ABŞ Milli Elm Fondu, "Google", Silikon vadisinin Sinqulyariti Universiteti, Rusiya Elmlər Akademiyası, Çin Sosial Elmlər Akademiyası, Rokki-Maunteyn İnstitutunun və digər tanınmış beynəlxalq ekspertlərin iştirak etdiyi forumda "Minilliyin layihəsi"nin Azərbaycan bölməsi olan Azərbaycan Futuroloqlar Cəmiyyətinin rəhbəri Reyhan Hüseynova forumun maraqlı mübadilələrə yol acacağını, konkret nəticələrə gətirib çıxaracağını qeyd edib.

Rabitə və informasiya texnologiyaları naziri Əli Abbasov isə öz çıxışında neft-qaz resurslarına malik ölkələr qarşısında dayanan neftdən sonrakı iqtisadi inkişafın necə təmin edilməsi məsələsinə toxunub. Azərbaycanın da neft ölkəsi olduğunu vurğulayan Ə.Abbasov ölkəmizin yeni inkişaf mərhələsinə qədəm qoyduğunu qeyd edərək, növbəti illər üçün inkişafı müəyyənləşdirən "Azərbaycan-2020: Gələcəyə Baxış" İnkişaf Konsepsiyasında gələcək iqtisadi inkişaf xəttinin elm, təhsil və texnologiyaların vəhdəti üzərində qurulduğunu bildirib.

Nazir həmçinin gələcək prioritet istiqamətlərdən söz açaraq, ölkədə insan kapitalının inkişafı, o cümlədən İT mütəxəssisləri üzrə yüksək ixtisaslı kadr hazırlığının diqqət mərkəzində olacağını, qeyri-neft sektorunu inkişaf etdirməklə iqtisadi potensialın 2 dəfə, 2020-ci ilə qədər İKT-nin həcminin real iqtisadi artımda payının 4 dəfə genişləndiriləcəyini, ölkə əhalisinin elektron xidmətlərlə əhatə dairəsinin hazırkı 20 faizdən 80 faizə qədər artırılacağını və s. kimi məqsədlərə nail olunacağını diqqətə çatdırıb.

Ekologiya və təbii sərvətlər naziri Hüseyn Bağırov isə ölkədə iqtisadi artımla bərabər, 2022-ci ildə havaya atılan karbon emissiyalarının 2 dəfədən çox azaldığını, nazirliyin ölkədə meşələrin bərpası istiqamətində tədbirləri gücləndirdiyini, bunun nəticəsində hazırda Azərbaycanın 11, 8 faizinin meşələrlə əhatə olunduğunu diqqətə çatdırıb. Prezident Administrasiyasının Siyasi təhlil və informasiya təminatı şöbəsinin müdiri Elnur Aslanov son 20 ildə müstəqil dövlətə çevrilən Azərbaycanın qlobal forumların məkanına çevrildiyini qeyd edib.

Şöbə müdiri unikal ölkə olan Azərbaycanın mədəniyyət və sivilizasiyanın mərkəzi kimi Qərblə Şərqin qovşağında yerləşdiyini, eyni zamanda ölkəmizdə enerji sektorundan kənarda iqtisadi inkişafa diqqət yetirildiyini də vurğulayıb. "Minillik layihəsi"nin direktoru Jerom Qlenn isə bütün dünyada İKT-nin inqilabi dəyişikliklərə yol açdığını, gələcək dayanıqlı iqtisadi inkişafın bu yeniliklərdən asılı olduğunu bildirib. Monteneqronun elm və bilik naziri Sanya Vlahoviç isə gələcəyin proqnozlaşdırılmasının nəticələrindən söz açıb:

"Gələcəyi proqnozlaşdırmağın ən yaxşı yolu onu ixtira etməkdir. Bu da yaradıcılıq, innovasiyalar hesabına baş verməlidir. Uğurlu gələcəyə nail olmaq üçün qlobal şəbəkələşmə vacibdir. Bu gün problemləri görməyə və onları həll etməyə kifayət qədər cəsarətli olmalıyıq. Bütün üzləşdiyimiz çətinliklər qlobal xarakter daşıyır. Ona görə də biz onlara qarşı birləşməliyik. Əminəm ki, birləşməklə biz daha yaxşı işləyə və uğurlu nəticələr qazana bilərik".

UNESCO-nun Proqnozlaşdırma Departamentinin rəhbəri Riel Millerin sözlərinə görə, yalnız biliyin bölüşdürülməsi ilə davamlı, təminatlı inkişaf üçün yeni yollar tapmaq, insanlar arasında bərabərliyə, sülhə nail olmaq mümkündür. Oksford Universitetinin professoru, aparıcı futuroloq, ABŞ-da nanotexnologiyalar üzrə araşdırmaçı Erik Drexler də İKT inqilabının bütün dünyada dəyişikliklərə səbəb olduğunu, nanotexnologiyaların İKT-nin əsasını təşkil etdiyini qeyd edib.

Forumda yeni texnologiyalar, o cümlədən Azərbaycanda ilk dəfə Qoloqrafik Təqdimat nümayiş etdirilib.

Eyni zamanda tədbir çərçivəsində "3D" printer də sərgilənib ki, bu da ölkəmizdə bu gün üçün printer texnologiyası baxımından yenilik hesab edilir. Daha sonra forum "Gələcəyin iqtisadiyyatında enerjinin rolu, enerji səmərəliliyi", "İKT-nin neft sonrası iqtisadiyyatda strateji rolu", "Sintetik Biologiyanın gələcəyi ilə əlaqədar Kreyq Venterin videotəqdimatı, "Nanotexnologiya və gələcək iqtisadiyyatlar" və s. mövzularda təqdimat və panel müzakirələrlə davam edib.

Həqiqət İSABALAYEVA



Baxış sayı: 611

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






07 Aprel 2020

07/04/20
Qrafik prosessor istehsalçısı “COVID-19” ilə mübarizə üçün “HPC” konsorsiumuna qoşulub

“NVIDIA” şirkəti yeni növ koronavirus (COVID-19) infeksiyası ilə mübarizəyə yönələn “High Performance Com

07/04/20
“Snapdragon 712” prosessoru və ikiqat selfi kamera ilə təchiz edilmiş “vivo V19” smartfonu təqdim edilib

“Vivo” şirkətinin qurğular çeşidinə “vivo V19” adlı model də əlavə edilib.

07/04/20
“Apple” 20 milyondan çox tibbi maska və qoruyucu ekran istehsal edib

ABŞ-ın “Apple” şirkəti koronavirusun yayılması ilə mübarizə aparmaq məqsədilə 20 milyondan çox tibbi mask

07/04/20
“Samsung Galaxy Chromebook” noutbuku satışa çıxarılıb

Cənubi Koreyanın “Samsung” şirkətinin ilin əvvəlində “CES 2020” beynəlxalq elektronika sərgisində təqdim

06 04 2020

06/04/20
Rəqəmsal xidmətləri əlçatan edən “evdeqal.az” saytı istifadəyə verildi

Nəqliyyat, Rabitə və Yüksək Texnologiyalar Nazirliyi və Birləşmiş Millətlər Təşkilatının İnkişaf Proqramının 

06/04/20
“Skype”ın yeni funksiyası qeydiyyatsız və proqram quraşdırmadan ünsiyyət saxlamağa imkan verir

“Skype”da qeydiyyatdan keçmək asan prosedurdur. Lakin evdən kənarda zəng etmək lazım olduqda kənar qurğud

06/04/20
Biomühəndislər təhlükəsiz neyron implantları çap etməyi öyrəniblər

Beyin insanın ən həssas orqanlarından biridir. Epilepsiya, parkinson və ağır depressiya kimi bir sıra xəs

06/04/20
“Apple” smartfonları üçün sualtı interfeys hazırlanır

Əksər müasir smartfonlar suya dalmağa dözümlüdür. Lakin belə şəraitdə sensor ekrandan normal istifadə çət

06/04/20
Evdən işləyənlərə haker hücumları barədə xəbərdarlıq edilib

Kibertəhlükəsizlikdə ixtisaslaşan “Herjavec Group” şirkətinin baş direktoru Robert Eryaves koronavirus in

06/04/20
İlk “Realme” televizorunun diaqonalı nə qədər olacaq?

Məşhur smartfon istehsalçısı kimi tanınan Çinin “Realme” şirkəti tədricən yeni istehlak elektronikası seq

06/04/20
“Xiaomi” 30 gün avtonom işləyən “ağıllı” saatını təqdim edib

“Xiaomi” şirkətinin daşınan elektronika çeşidinə “Haylou” brendinə məxsus yeni “ağıllı” saat əlavə ed

06/04/20
“Google” pandemiya dövründə insanların hərəkət etməsini izləyən sayt təqdim edib

ABŞ-ın “Google” şirkəti servis istifadəçilərinin bütün dünya üzrə müxtəlif yerlərdə olması barədə he

06/04/20
Yeni tip ekranlar gözdən əlillərə şəkilləri "görməyə" imkan verir

Müasir noutbuk və kompüterlər gözdən əlillərə mətni barmaqlarının ucu ilə oxumağa imkan verən xüsusi Bray

06/04/20
Ən məhsuldar “Android” smartfonları məlum olub

Mobil telefonların məhsuldarlığını qiymətləndirən “AnTuTu” şirkəti ən güclü smartfonların aylıq siyahısın