12px13px15px17px
Tarix:15/06/13

Azərbaycanda bu ilin sonunadək 1000-dək “Emanat” ödəniş terminalı quraşdırılacaq

Azərbaycan elektron ödəniş xidmətləri bazarında "MilliÖn" terminallarının rəqibi ola biləcək "Emanat" sistemi üç ay ərzində ölkənin 18 regionunda öz terminallarını quraşdırıb.

"Modenis" şirkətindən "ICTnews" xəbər xidmətinə verilən məlumata əsasən, onlardan 2-si Gəncədə, qalanı isə Biləsuvar, Saatlı, Şəmkir, Göygöl, Samux, Goranboy, Naftalan, Daşkəsən, Gədəbəy, Tovuz, Yevlax, Qazax, Ağstafa, Hacıqabul, Kürdəmir, Ucarda quraşdırılıb. "Mart ayından bu günədək biz ölkə üzrə 240 terminal quraşdırmışıq, onların əksəriyyəti Bakıda fəaliyyət göstərir. İlin sonuna kimi biz bu terminalların sayını 963-ə qədər artırmaq niyyətindəyik, onlardan 711-i Bakıda quraşdırılacaq", - deyə şirkətdə bildiriblər.

Qeyd edək ki, "Emanat" brendi altında fəaliyyət göstərən terminallar dünyada ən geniş terminal şəbəkəsinə malik olan "QIWI" qrupuna aiddir. "QIWI" qrupunun səhmdarları "Mail.ru Group", "QIWI" qrupunun menecmenti və beynəlxalq "Mitsui & Co., Ltd" şirkətidir.

Bir neçə ay bundan öncə "Contact" və "QIWI" ödəniş sistemləri Abxaziyaya, Azərbaycana, Belarusa, Gürcüstana, Qazaxıstana, Tacikistana, Ukraynaya və digər ölkələrdən olan istifadəçilərin valyuta pul köçürmələri həyata keçirmək imkanının təqdim edilməsi haqda məlumat yayılıb. Belə ki, "Contact" pul köçürmələrini «QIWI" terminalları» vasitəsilə rublda göndərib ABŞ dollarında almaq olar.

Aynur Vəliyeva



Baxış sayı: 3696

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






30 May 2020

29 05 2020