İNTERNET

Tarix:08/08/11

Azərbaycanda daxil olan internet trafikin sürəti 17 Gbit/saniyəyə çatıb

Azərbaycanın ilk provayderi "Delta Telecom"un şəbəkəsində daxil olan internet-trafikin sürəti 17 Gbit/saniyəyə çatıb. Şirkətin statistik hesabatında bildirilib ki, son iki ay ərzində daxil olan trafikin (provayderlərin internet şəbəkəsində istifadə etdikləri xidmət) həcmi 2 Gbit/san-yə yüksəlib.
Şəbəkənin yüklənməsinin dinamikası vaxtdan asılı olaraq dəyişir və gündüz şəbəkə daha çox yüklənir. Gecə vaxtı bu göstərici 3 Gbit/saniyəyə qədər enir. "Delta Telecom"un statistikasına əsasən, çıxan trafikin həcmi 3 Gbit/saniyəni ötür. Bu göstərici gecə 1 Gbit/saniyəyə qədər enir.
Bu gün “AzNET” seqmentinin ümumi tutumu 45 Gbit/saniyəyə çatır. Qeyd edək ki, "Delta Telecom" trafikini 26 telekommunikasiya operatoru öz aralarında bölür (dövlət və şəxsi internet-provayderlər, mobil rabitə operatorları və başqaları).
Avqustun 6-na olan vəziyyətə görə, son istifadəçiyə çatdırılan trafikin ən böyük həcmi dövlət internet-provayderi “BakinterNet”-in (19,67 faiz) payına düşüb, 13,39 faiz payla ikinci yeri “Uninet” (ticarət markası Mark Stream), üçüncü – “Stellford” (ticarət markası Connect) - 10,95 faiz şirkəti tutur. Avqustun 6-na olan vəziyyətə görə, provayderlər və rabitə operatorları arasında paylanan trafikin həcmi aşağıdakı kimidir:

№	Şirkətlər	Trafikin həcmi %
1	BakinterNet	19,67
2	Uninet	13,39
3	Azeronline	10,95
4	Stellford	10,79
5	DATAPlus	8,49
6	Superonline	6,60
7	Ultel	6,10
8	Aztelekom	4,44
9	ADaNet	3,73
10	AzStarNet	3,53
11	AzEuroTel	2,52
12	SMART	2,52
13	Avirtel	1,62
14	TransEuroCom	1,43
15	Nakhchivan	1,02
16	AzNET	0,39
17	Rabitə və İnformasiya Texnologiyaları Nazirliyinin Məlumat Hesablama Mərkəzi	0,97
18	Caspel	0,38
19	Bakcell	0,35
20	Castel	0,29
21	AzIntex	0,28
22	IntraNS	0,26
23	Azerin	0,14
24	QlobalNet	0,13
25	DataCell	0
26	Azerfon	0