12px13px15px17px
Tarix:01/07/13

İl ərzində mobil trafikin həcmi 71% artıb

Ötən ildə "Opera" mobil brauzerlərinin istifadəçiləri tərəfindən işlədilən trafikin həcmi 71% artıb. Bundan başqa, tədqiqatçılar digər statistika da təqdim ediblər.

"ICTnews.az" elektron xəbər xidməti "cnews.ru" saytına istinadən bildirir ki, "Opera Software" şirkətinin hesabatına əsasən, 2013-cü ilin mayında istifadəçilər 3,4 petabaytdan çox məlumat işlədiblər ki, bu da ötən ilin müvafiq dövrünün göstəricisini 71% ötür.

"Opera Mini" brauzeri quraşdırılmış istifadəçi qurğularına göndərilməmişdən əvvəl məlumatlar "Opera Software" şirkətinə məxsus  serverlərdə sıxılır.

2013-cü ilin mayında "Opera Mini" istifadəçiləri 175 milyarddan çox səhifəyə baxıblar ki, bu da ötən ilin müvafiq dövrü ilə müqayisədə 54% daha çoxdur.

Bu ilin mayında "Opera Mini", "Android" platformasında quraşdırılmış "Opera" və "Opera Mobile" brauzerlərinin istifadəçilərinin ümumi sayı 254 milyonu ötüb.

Emil Hüseynov



Baxış sayı: 534

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024