12px13px15px17px
Tarix:09/07/13

Çin və ABŞ kibertəhlükəsizlik məsələlərinin tənzimlənməsi üçün bir araya gəlib


 
ABŞ və Çin kibertəhlükəsizliklə bağlı mübahisələrin tənzimlənməsi ilə məşğul olacaq xüsusi komitə çərçivəsində birinci müşavirənin işini açıq elan ediblər. Problem artıq iki ölkə arasında münasibətlərdə ciddi qıcıqlandırıcı amilə çevrilib.

“ICTnews.az” elektron xəbər xidməti  “cybersecurity.ru” saytına istinadən bildirir ki, dünən Vaşinqtonda hər iki ölkəni təmsil edən işçi qrup üzvlərinin birinci müşavirəsi baş tutub. Onlar problemin həllində müəyyən irəliləyişə nail olmağa ümid edirlər, çünki Amerikanın paytaxtında hər iki ölkənin nümayəndələri arasında çərşənbə və cümə axşamına planlaşdırılmış yüksək səviyyədə ticarət-iqtisadi danışıqlar başlayacaq.
Aprel ayında Vaşinqton və Pekin kibertəhlükəsizlik məsələləri üzrə danışıqlara başlamaq barədə razılığa gəliblər.

Bazar ertəsi Dövlət Departamentinin nümayəndəsi Cen Psaki deyib ki, müşavirənin qarşısına eyni anda bir neçə məqsəd qoyulub. Obama administrasiyası Çini irihəcmli proqramın təşkilində ittiham edib. Bildirilib ki, sözügedən proqram çərçivəsində hakerlər iqtisadi mənfəət naminə Amerikanın dövlət idarələri və şirkətlərin sirlərini oğurlayırlar.

Çin isə öz növbəsində bildirir ki, o, ABŞ və başqa ölkələr tərəfindən həyata keçirilən kiberhücumların “qurban”ıdır. Çinin rəsmi nümayəndələri Snoudenin KİV-ə təqdim etdiyi informasiyanı dəlil kimi göstəriblər.

Emil Hüseynov



Baxış sayı: 408

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






16 Sentyabr 2019

15 09 2019