12px13px15px17px
Tarix:15/07/13

Ağsu aşırımında sürüşmə zonalarında hava və yeraltı optik kabellərin vəziyyəti yoxlanılır



Ağsu aşırımında sürüşmə zonalarında növbəti monitorinqlər keçirilib. "Aztelekom" İB-dən verilən məlumata görə, birliyin mütəxəssislərindən ibarət briqada bölgədə hava və yeraltı optik kabellərə mövcud dəyişikliyi növbəti yoxlamadan keçiriblər.

"TAE (Trans Asia Evropa)" fiber-optik kabel xəttinin Bakı-Qazax seqmentinin Ağsu aşırımında baş verən sürüşmə zonasından keçən hissəsində yönəldiyindən burada qabaqlayıcı tədbirlər daha böyük ərazini əhatə edib. "İCTnews" elektron xəbər xidmətinə "Aztelekom" İB-nin Kabel Magistralları Texniki Qovşağının (KMTQ) rəisi Ağamirzə Ağamirzəyev daha geniş şəkildə təhlil edərək bildirib ki, hələ TAE xəttinin Bakı-Qazax seqmenti çəkiləndə bu amil nəzərə alındığından ərazidən keçən kabel xətti həm havadan, həm də yeraltı çəkildiyindən rabitənin alternativliyi təmin edilib.

KMTQ-nin əməkdaşları tərəfindən ərazidə kabellərin mühafizə zonasında əlavə tədbirlər görülür.
"Biz ərazidə daimi tədbirlər həyata keçiririk. Əvvəllər yeraltı kabel xətti 1,2 metr dərinlikdə çəkilmişdi. Biz real təhlükənin qarşısını almaq üçün kabelin yerləşmə dərinliyini 50 santimetrədək azaltdıq. Hazırda sürüşmə hadisəsinin aktiv olan ərazilərində xəttin qırılmaması üçün kabelləri torpağın altından çıxarmışıq" - deyə Ağamirzə Ağamirzəyev bildirib.

O, daha sonra qeyd edib ki, qabaqlayıcı tədbirlər kimi Şamaxı-Mərəzə avtomagistralının Açıdərə çayı ərazisində alternativ optik kabel xətti çəkilib.

 RƏVAN



Baxış sayı: 1242

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






28 Mart 2024

27 03 2024