12px13px15px17px
Tarix:16/07/13

“Utilite” adlı yığcam kompüter təqdim edilib

"CompuLab" şirkəti "ARM" arxitekturasına əsaslanan prosessor ilə işləyən "Utilite" adlı yığcam kompüter təqdim edib.

"ICTnews.az" elektron xəbər xidməti "itc.ua" saytına istinadən bildirir ki, konfiqurasiyasından asılı olaraq, sözügedən cihaz 1, 2 və 4 nüvəli "Freescale i.MX6 (ARM Cortex-A9)" prosessoru ilə təchiz edilə bilər. Qurğuya "DDR3" standartlı 4 QB həcmində əməli yaddaş və 512 QB tutumunda sərtgövdəli daşıyıcı quraşdırıla bilər.

Daxili yaddaşın həcmini "microSD" formatlı yaddaş kartının quraşdırılması hesabına artırmaq olar. Təqdim edilmiş model, həmçinin 2 qiqabitlik "Ethernet" şəbəkə portu, "Wi-Fi 802.11b/g/n" və "Bluetooth 3.0" simsiz şəbəkə modulları, dörd ədəd "USB2.0" portu, bir ədəd "USB OTG" portu, bir ədəd "RS232" portuna malikdir. Aparatın ölçüləri 135x100x21 millimetr təşkil edir. "Ubuntu Linux" və ya "Android" əməliyyat sistemləri quraşdırıla bilər.

"CompuLab Utilite" yığcam kompüteri gələn ay satışa çıxarılacaq. Başlanğıc konfiqurasiyada onun qiyməti 99 dollar təşkil edəcək.

Emil Hüseynov
 
 
 



Baxış sayı: 691

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024