12px13px15px17px
Tarix:18/07/13

Akif Əlizadə: “AMEA-da elmi fəaliyyət İKT əsasında yenidən qurulacaq”


 
AMEA-da elmi fəaliyyət informasiya-kommunikasiya texnologiyaları (İKT) əsasında yenidən qurulacaq. Bu gün İKT olmadan heç bir sahənin inkişafından söhbət gedə bilməz. Bu fikri AMEA Rəyasət Heyətində keçirilən mətbuat konfransında akademiyanın prezidenti, akademik Akif Əlizadə bildirib.

AMEA rəhbəri son 3 ayda akademiyada aparılan struktur dəyişiklikləri,  informasiyalaşdırma, alimlərin sosial rifahının yüksəldilməsi istiqamətində nəzərdə tutulan tədbirlər, maddi-texniki bazanın gücləndirilməsi məqsədilə həyata keçirilən layihələr, elmi nəşrlərin və veb-resursların təkmilləşdirilməsi və digər məsələlər haqqında geniş məlumat verib.

Elmin inkişafına dair ölkə başçısı tərəfindən təsdiq olunan fərman və sərəncamların icra vəziyyəti haqqında da danışan A.Əlizadə “Azərbaycan 2020: gələcəyə baxış” İnkişaf Konsepsiyasında qeyd olunan əhəmiyyətli çağırışların alimlərimiz qarşısında konkret vəzifələr qoyduğunu qeyd edib. Gələcəklə bağlı qəbul olunan bütün strategiya və dövlət proqramlarında ölkəmizin strateji inkişaf xəttinin həyata keçirilməsində elmin əhəmiyyətli rolunun öz əksini tapdığını vurğulayıb. Azərbaycan Respublikasında 2013-cü ilin “İnformasiya-kommunikasiya texnologiyaları ili” elan edilməsi ilə bağlı Tədbirlər Planına müvafiq olaraq görülən işlər haqqında məlumat verən AMEA rəhbəri ölkəmizdə formalaşan “Elektron hökumət” Dövlət Proqramına elmi dəstək verildiyini vurğulayıb. “Azərbaycan Respublikasında 2009–2015-ci illərdə elmin inkişafı üzrə Milli Strategiyanın həyata keçirilməsi ilə bağlı Dövlət Proqramı”nda qeyd olunmuş elmdə aparılan islahatlar çərçivəsində elmi fəaliyyətin müasir İKT əsasında yenidən qurulması və inkişaf etdirilməsi istiqamətində məqsədyönlü layihələrin həyata keçirildiyini qeyd edib.

AMEA-nın müvafiq qurumlarında İKT-nin tətbiqi ilə əlaqədar elmi-tədqiqat işlərinin aparıldığını, mühüm elmi nəticələrin əldə olunduğunu nəzərə çatdırıb.

Müasir dövrün əsas aparıcı qüvvəsi olan gənclərin elmə cəlb edilməsi prosesinin uğurla həyata keçirildiyini vurğulayan AMEA rəhbəri hazırda akademiya əməkdaşlarının 30 faizini gənclərin təşkil etdiyini bildirib. Gənc alim və tədqiqatçılara göstərilən xüsusi diqqət və qayğıdan, onların sosial təminatının gücləndirilməsi istiqamətində nəzərdə tutulan layihələrdən, Azərbaycanın ev sahibliyi etdiyi gənclərlə bağlı beynəlxalq tədbirlərdən söhbət açıb. Dövlət başçısının Azərbaycan elminə göstərdiyi diqqət və qayğıdan bəhs edən akademik ölkə rəhbərinin AMEA-da aparılan islahatlarla bağlı fikrini nəzərə çatdırıb: “Cari ilin may ayında Şamaxı Astrofizika Rəsədxanasında aparılan əsaslı təmir işlərinin başa çatmasından sonrakı vəziyyətlə tanış olarkən dövlət başçısı qeyd etdi ki, regionun iqtisadi və siyasi mərkəzi olan Azərbaycan bölgənin elm mərkəzinə də çevrilməlidir.”

Hazırda Azərbaycanın elm siyasətinin məhz bu istiqamət üzərində qurulduğunu qeyd edən akademik Akif Əlizadə Azərbaycan elminin beynəlxalq elmə inteqrasiyasının təmin olunmasını sürətləndirmək məqsədi ilə görülən işlərdən danışıb. AMEA prezidenti bildirib ki, elmlə təhsilin inteqrasiyası istiqamətində də mühüm addımlar atılır: “Elmi fəaliyyətin səmərəliliyinin daha da artırılması, ölkənin digər elm müəssisələrində və ali məktəblərində aparılan fundamental və tətbiqi araşdırmaların əlaqələndirilməsi, müvafiq sahələrdə tətbiqinin təmin olunması, elmi kadrlardan düzgün istifadə edilməsi məqsədilə müəyyən tədbirlər görülür. Ali təhsil müəssisələrinin AMEA institutlarının nəzdində baza kafedralarının və AMEA-da magistratura təhsil pilləsinin yaradılması nəzərdə tutulub”.

Sonra AMEA prezidenti mətbuat nümayəndələrinin suallarını cavablandırdı.

Tədbir çərçivəsində bazar iqtisadiyyatı şəraitində innovativ fəaliyyəti gücləndirmək məqsədilə AMEA-nın korporativ üslubunun tətbiqinin əhəmiyyətini özündə əks etdirən sərgi də nümayiş etdirilib. Sərgidə AMEA-nın korporativ loqosu, təltif və mükafatları, qovluq və zərflər, blanklar, vəsiqə və vizit kartları, korporativ təbriknamələr və təqvimlər, qapı lövhələri, suvenir və aksesuarlar, hədiyyələr və digər nümunələr təqdim olunub.
 
 
Həqiqət İSABALAYEVA




Baxış sayı: 633

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






24 Yanvar 2019

23 01 2019

23/01/19
Rabitə işçilərinin Respublika Spartakiadasında kəndirdartma üzrə yarışın qalibi məlum olub

Nəqliyyat, Rabitə və Yüksək Texnologiyalar Nazirliyinin dəstəyi,  Rabitə İşçiləri Müstəqil Həmkarlar 

23/01/19
“Xiaomi” şirkətinin prezidenti ilk bükülən smartfon nümayiş etdirib

Çinin “Xiaomi” şirkətinin prezidenti Lin Bin yanvarın 23-də “Weibo” sosial şəbəkəsindəki səhifəsində 

23/01/19
Kripto cüzdanlara müdaxilə edən yeni virus aşkar edilib

"Doktor Veb" şirkətinin mütəxəssisləri tərəfindən kriptovalyuta cüzdanlarından parolları oğurlayan kompüter 

23/01/19
“Google Play” mağazasında saxta “GPS” mobil proqramlar aşkarlanıb

“Eset” antivirus şirkəti “Google Play” mağazasında 50 milyon dəfədən çox yüklənilən 15-ə yaxın 

23/01/19
Yeni “Samsung” smartfonlarına oyunları sürətləndirən texnologiya tətbiq ediləcək

Avropada Cənubi Koreyanın “Samsung” şirkətinin “Neuro Game Booster” adlı texnologiya üçün 

23/01/19
“Apple” 2020-ci ildə LCD displeylərindən imtina edəcək

“Apple” korporasiyası 2020-ci ildən etibarən smartfonlarda LCD (maye kristal) ekranların tətbiqindən 

23/01/19
“iPhone” smartfonu əsasında noutbuk yaradılacaq

“Apple” şirkəti “iPhone” smartfon modeli əsasında noutbukun yaradılması üsulunu təsvir edən 

23/01/19
“Android” sisteminin idarəetməsi altında işləyən ən yüksək məhsuldarlıqlı smartfon məlum olub

“Lenovo Z5 Pro GT” cihazı “Android” sisteminin idarəetməsi altında işləyən ən yüksək məhsuldarlıqlı 

23/01/19
“WhatsApp”ın fəaliyyətində qlobal nasazlıq yaranıb

“WhatsApp” messencerinin istifadəçiləri nasazlıqla üzləşiblər. ICTnews” Elektron Xəbər Xidməti