12px13px15px17px
Tarix:05/08/13

Məcburi köçkün gənclərin İKT imkanları artırılır

Azərbaycan torpaqlarının işğal olunmuş ərazilərindən məcburi köçkün düşən gənclərin informasiya-kommunikasiya texnologiyaları sahəsində bilikləri və imkanları artırılıb.

Bunun üçün "Yaradıcı Gənclərə Dəstək" İctimai Birliyi (YGD) "Məcburi köçkün gənclərin İKT imkanlarının artırılması" layihəsini icra edir. "ICTnews.az"ın məlumatına görə, bu barədə Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının informasiya portalı xəbər yayıb. Sözügedən layihənin hazırlıq mərhələsində əyani vəsaitlərin və digər təlim materiallarının nəşrindən sonra qrafikə uyğun regionlarda məcburi köçkün gənclər üçün İKT sahəsində təlimlərə başlanıb.

İlk təlim Ağcabədi rayonunda Laçından olan məcburi köçkün gənclər üçün keçirilib. 2 günlük təlimdə 40-dan artıq məcburi köçkün gənc iştirak edib. Layihənin bölgələrdə məcburi köçkün gənclər üçün böyük əhəmiyyəti vurğulanaraq bu kimi proqramların davamlı olaraq həyata keçirilməsinin arzuolunan olduğu bildirilib.

Məcburi köçkün gənclərə İKT sahəsində əsas məlumatlar, zəruri bilgilər, səmərəli istifadə, imkan və resurslar haqqında geniş informasiyalar çatdırılıb və gənclərin sualları cavablandırılıb.

Təlimdə gənclərə birlik tərəfindən hazırlanan yaddaş kitabçası paylanılıb və Azərbaycan Respublikasının Prezidenti yanında Gənclər Fondunun dəstəyi ilə icra olunan layihənin davamlılığı və gələcək fəaliyyəti üçün yerlərdə məcburi köçkün gənclərdən ibarət şəbəkənin qurulması qərara alınıb. 

SEYMUR
 



Baxış sayı: 678

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






28 Mart 2024

27 03 2024