12px13px15px17px
Tarix:15/08/13

“Windows 8.1” əməliyyat sisteminin yekun versiyasının çıxarılma tarixi açıqlanıb

“Microsoft” korporasiyası “Windows 8.1” əməliyyat sisteminin (ƏS) yekun versiyasının rəsmi çıxarılma tarixini oktyabrın 18-i tarixinə təyin edib.

“ICTnews.az” elektron xəbər xidməti “lenta.ru” saytına istinadən bildirir ki, ilk öncə Yeni Zelandiya sakinləri yeniləmə paketini quraşdırmaq imkanı əldə edəcəklər. Bundan sonra “Windows 8.1” ayrıca məhsul kimi satınalma üçün əlçatan olacaq.

“Windows 8” ƏS-ni satın almış istifadəçilər “Windows Store” onlayn mağazası vasitəsilə sistemlərini 8.1 versiyasınadək ödənişsiz yeniləyə biləcəklər.

Xatırladaq ki, “Windows 8” ƏS-i 2012-ci ilin oktyabrında istifadəyə verilib və “StatCounter” xidmətinin məlumatına görə, hazırda populyarlığına görə “Windows 7”, “Windows XP” və “OS X” ƏS-dən sonra dördüncü yerdə qərarlaşıb.

Emil Hüseynov



Baxış sayı: 788

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024