12px13px15px17px
Tarix:15/08/13

“IBM” şirkəti fırıldaqçılıqla mübarizəni gücləndirir

"IBM" korporasiyası, maliyyə sahəsindən olan müştərilərinə fırıldaqçılıq və çoxpilləli haker hücumları ilə mübarizə üzrə həlləri təqdim edə biləcəyi "Trusteer" şirkətini alır.

"ICTnews" xəbər xidmətinin "www.cybersecurity.ru" saytına istinadən verdiyi məlumata əsasən, saziş imzalandıqdan sonra "Trusteer" şirkətinin adı "IBM Cybersecurity Software Lab" olacaq.

"IBM"-in əməkdaşlarının verdiyi məlumata əsasən, birləşmiş İsrail kibermühafizə mərkəzində 200 nəfərdən çox insan işləyəcək.

Bu gün "IBM"-in artıq Təl-Əvivdə nümayəndəliyi, eləcə də,  kiçik proqram tərtibatı və araşdırma mərkəzi var. "Trusteer" şirkətinin isə Bostonda nümayəndəliyi mövcuddur.

"Trusteer"in proqramları əsasən, bank İT sistemlərinin təhlükəsizliyinə olan təhdidləri aşkar edib qarşısını almağa, o cümlədən onların haker və fırıldaqçı təsirindən qorunmasına yönəldilib. "IBM"-dən bildirilir ki, iki şirkət birləşdikdən sonra mobil maliyyə həllərinin və eyni zamanda "bulud" üzərindən təqdim edilən həllərin yaradılması genişlənəcək.

Aynur Vəliyeva
 



Baxış sayı: 661

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024