İNTERNET

Tarix:04/09/13

Daha bir dövlət qurumu “Elektron hökumət” portalına qoşuldu

Diasporla İş üzrə Dövlət Komitəsi “Elektron hökumət” portalına qoşulub. “ICTnews” elektron xəbər xidmətinin məlumatına görə, komitənin “Xaricdə yaşayan azərbaycanlıların elektron müraciəti” xidməti portal vasitəsilə istifadəyə verilib.

Bu xidmət xarici ölkələrdə yaşayan Azərbaycan Respublikası vətəndaşlarının, eləcə də Azərbaycan Respublikasının vətəndaşı olmayan azərbaycanlıların hüquq və azadlıqlarının pozulması halları, habelə diaspor təşkilatları tərəfindən Azərbaycan həqiqətlərinin təbliği, milli-mədəni irsimizin tanıdılması, diaspor quruculuğu ilə bağlı hazırlanmış layihələrin Dövlət Komitəsinə təqdim edilməsi üçün birbaşa elektron müraciət imkanını əhatə edir.

Qeyd edək ki, interaktiv növlü elektron xidmət ödənişsiz həyata keçirilir. Xidmətin icra müddəti 15 gün təşkil edir. E-xidmətin digər icraçısı Xarici İşlər Nazirliyidir.

CAHANGİR

Baxış sayı: 1073