12px13px15px17px
Tarix:13/09/13

Həcmli səs texnologiyasının yaradıcısı dünyasını dəyişib

“Dolby Laboratories” şirkətindən verilən məlumata əsasən, ABŞ-da 2013-cü il sentyabrın 12-də həcmli səs texnologiyasının yaradıcısı Rey Dolbi dünyasını dəyişib. O, San-Fransiskoda yerləşən evində 80 yaşında dünyasını dəyişib. Şirkətin məlumatına görə, ömrünün sonunda ixtiraçı alsqeymer xəstəliyindən əzab çəkib və 2013-cü ilin iyulunda ona kəskin leykoz diaqnozu qoyulmuşdu.
 
“ICTnews.az” elektron xəbər xidməti “lenta.ru” saytına istinadən bildirir ki, 1933-cü il yanvarın 18-də Portlend şəhərində anadan olmuş Rey Dolbi karyerasına “Ampex” şirkətində başlayıb. 1956-cı ildə orada mühəndislər qrupu ilə birgə ilk videomaqnitofon hazırlayıb. 1957-ci ildə Dolbi Kembric Universitetində təcrübə keçmək üçün Marşall təqaüdü alıb. Orada altı il ərzində uzundalğalı rentgen şüalarını araşdırıb və 1961-ci ildə fizika üzrə dissertasiyanı müdafiə edib.
 
1963-1965-ci illərdə Dolbi Hindistanda BMT-nin elmi məsləhətçisi işləyib və  1965-ci ildə “Dolby Laboratories” şirkətinin əsasını qoyub.
 
Corc Lukasın "Ulduz müharibələri” filminin premyerasında “Dolby Stereo” texnologiyasından istifadə edilmişdi və bundan sonra sözügedən sistem kinoteatrlarda populyarlaşdı.
 
Emil Hüseynov
 
 



Baxış sayı: 623

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






28 Mart 2024

27 03 2024