12px13px15px17px
Tarix:18/09/13

“Google” şirkəti Üzeyir Hacıbəyovun 128 illiyinə həsr olunmuş “dudl” yerləşdirib

"Google" şirkəti "www.google.az" axtarış saytında Azərbaycanın dahi bəstəkarı Üzeyir Hacıbəyovun 128 illiyinə həsr olunmuş "dudl" yaradıb.
Saytın əsas səhifəsində yerləşdirilmiş təsvirə klik etdikdə istifadəçi avtomatik "Üzeyir Hacıbəyov" adı ilə bağlı axtarışa keçid alır.
 
Xatırladaq ki, Üzeyir Əbdül Hüseyn oğlu Hacıbəyov 1885-ci il sentyabrın 18-də Şuşa yaxınlığındakı Ağcabədi kəndində anadan olub.

Bəstəkar 1907-ci ildə "Leyli və Məcnun" operası üzərində işləyib və beləliklə, bəstəkarlıq fəaliyyətinə başlayıb. O, maarifçilik sahəsində böyük rol oynayan "Siyasi, hüquq, hərbi və bir çox başqa terminlərin rusca-tatarca və tatarca-rusca lüğətləri"ni hazırlayıb, 1908-ci ildə Azərbaycanda müasir professional musiqi tarixinin əsasını qoyan "Leyli və Məcnun" operasının ilk tamaşasını keçirib. Sonralar Ü. Hacıbəyov "Şeyx Sənan" operasını, "Ər və arvad" musiqili komediyasının tamaşasını, "Rüstəm və Söhrab" operasını, "O olmasın, bu olsun" musiqili komediyasını, "Şah Abbas və Xurşid Banu" operasını, "Əsli və Kərəm" operasını, "Arşın mal alan" musiqili komediyasını ilk dəfə səhnəyə qoyub, "Harun və Leyla" operasının librettosunu nəşr edib.  Sənətkar, eyni zamanda, Azərbaycan milli-mədəni irsinin yaradılmasında və inkişafında böyük rol oynamış bir sıra digər vacib işlər görüb.
 
 
Təəssüf ki, bu "dudl" yalnız "www.google.az" saytında aktivdir. "Google" şirkətinin Rusiya seqmenti üzrə axtarış həyata keçirən "www. google.ru" saytında isə bu gün daha bir dahi insan, fransalı fizik, mexanik və astronom Paris Elmlər Akademiyasının üzvü Jan Bernar Leon Fukoya həsr edilmiş "dudl" yerləşdirilib, bu insan məşhur "Fuko kəfkiri"ni yaradıb və Yerin fırlanmasını sübut edib.
 
Aynur Vəliyeva



Baxış sayı: 662

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






22 Sentyabr 2019

21 09 2019

21/09/19
Avtonom avtomobillər insan dərisinə reaksiya verəcək

“Dibotics” şirkətinə məxsus “Outsight” startapı uzaq obyektlərin kimyəvi tərkibini 

21/09/19
Parisdə elektrik su taksisinin sınaqları keçirilir

İsveçin “Seabubbles” şirkəti Parisin nəqliyyatla çox yüklənən prefekturasında yeni elektrik su taksisinin sınaqlarını&a

21/09/19
“Huawei Vision” televizoru süni intellektlə təchiz edilib

“Huawei” şirkəti Münhendə keçirilən tədbirdə “Huawei Vision” televizorunu təqdim edib