12px13px15px17px
Tarix:20/09/13

Yeni “iPhone” smartfonunun satışlarına başlanıldı

Sentyabrın 20-də “iPhone 5S” və “iPhone 5C” smartfonlarının satışlarına başlanılıb. İlk öncə yeniliklər "birinci dalğa" ölkələrinin (ABŞ, Avstraliya, Kanada, Çin, Fransa, Almaniya, Yaponiya, Sinqapur və Böyük Britaniya) sakinlərinə əlçatan olacaq.

“ICTnews.az” elektron xəbər xidməti “dailycomm.ru” saytına istinadən bildirir ki, 33 yaşlı avstraliya sakini Cimmi Qanaven “iPhone 5S” smartfonunun ilk alıcısı olub. Onun sözlərinə görə, yeni smartfonu almaq üçün səbəblərdən biri yavaşıdılmış çəkiliş funksiyası olub. Qanaven yeni aparatların ikisini də satın alıb.
Qeyd edək ki, Avstraliyada "alma" cihazı ilə bağlı ajiotaj yaşanıb, lakin onun miqyası ötən ilki ilə müqayisədə çox aşağı olub. O zaman yeni cihazı satın almaq istəyənlər üç gün  əvvəlcədən növbə tutmuşdular. Hazırda isə “Apple” məhsulunun pərəstişkarları təxminən 20 saat əvvəldən mağazanın qarşısında toplanmağa başlayıblar.

Yapon sakinləri də “Apple Store” mağazasının qarşısında uzun müddətdir növbə çəkirlər, hətta dünənki tufana baxmayaraq növbədə  dayanmağa davam ediblər. Qeyd etmək lazımdır ki, ticarət mərkəzlərinin işçiləri tufana görə növbədə dayananları mağazaya buraxıblar.

ABŞ-da “iPhone 5S” smartfonu yaddaşın həcmindən asılı olaraq və operatorla müqavilə bağlanıldığı halda 199-399 dollara təklif edilir. Müqaviləsiz yeni qurğular 649-849 dollar qiymətində əlçatandır. Avropada sözügedən smartfonların qiyməti 699-899 avro təşkil edir.

Emil Hüseynov



Baxış sayı: 799

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024