12px13px15px17px
Tarix:24/09/13

Çin hakimiyyəti sosial şəbəkələrlə bağlı vətəndaşlarına “jest” etdi

Çin hökuməti ölkə vətəndaşları üçün “Facebook” və “Twitter” sosial şəbəkələri və “New York Times” informasiya portalı kimi internet saytlarından istifadə üzrə qoyulan qadağanı ləğv edəcək. Lakin şəbəkələrə çıxış imkanı yalnız Şanxay azad iqtisadi zonası ərazisində mümkün olacaq.  

Bundan başqa, Çin hakimiyyəti xarici telekommunikasiya şirkətlərinin milli bazara daxil olmasına da icazə verməyi düşünür. Artıq Çinin rabitə xidmətləri tədarükçüləri - “China Mobile”, “China Unicom” və “China Telecom” qarşıda qərb operatorları ilə onları gözləyən rəqabət barədə məlumatlandırılıb.  

Qərar Dövlət Şurasının sədri Li Kesyan daxil olmaqla hakimiyyət tərəfindən təsdiqləndiyi üçün Çin şirkətləri bu qərarla bağlı mübahisə etmək fikrindən daşınıblar. L.Kesyanın fikrincə, qəbul olunan qərar Şanxay azad iqtisadi zonasını ölkənin başlıca maliyyə və iqtisadi islahatlar poliqonuna çevirməyə imkan verəcək.   
 
Qeyd edək ki, Çində “Facebook” və “Twitter” şəbəkələrinə çıxış 2009-cu ildən qadağan olunub. Rəsmi Pekinin internet texnologiyalarının inkişafı ilə bağlı narahatlığı Yaxın Şərq ölkələrini əhatə edən inqilablar fonunda artıb. Çünki məhz sosial şəbəkələr baş verən çevrilişlərin katalizatoru rolunda çıxış edib, - “RBC” www.rbc.ru yazır.  



Baxış sayı: 712

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






28 Mart 2024

27 03 2024