12px13px15px17px
Tarix:11/08/11

Fərdi məlumatların informasiya ehtiyatlarının formalaşdırılması və informasiya sistemlərinin yaradılması, onlara xidmətlərin göstərilməsi sahəsində fəaliyyət göstərən fiziki və hüquqi şəxslərin nəzərinə!

“Fərdi məlumatlar haqqında” Azərbaycan Respublikası Qanununun 9.14-cü maddəsinə müvafiq olaraq fərdi məlumatların informasiya ehtiyatlarının formalaşdırılması və informasiya sistemlərinin yaradılması, onlara xidmətlərin göstərilməsi sahəsində fəaliyyət yalnız Azərbaycan Respublikasının qanunvericiliyinə uyğun olaraq xüsusi razılıq (lisenziya) əsasında həyata keçirilir.
Azərbaycan Respublikası Prezidentinin 13 dekabr 2010-cu il tarixli 361 nömrəli Fərmanı ilə “Fərdi məlumatların informasiya ehtiyatlarının formalaşdırılması və informasiya sistemlərinin yaradılması, onlara xidmətlərin göstərilməsi” lisenziyalaşdırılan fəaliyyət növlərinin siyahısına daxil edilmişdir və bu sahədə fəaliyyətin lisenziyalaşdırılması Rabitə və İnformasiya Texnologiyaları Nazirliyinə həvalə edilmişdir.
Bu sahədə fəaliyyət göstərən fiziki və hüquqi şəxslərdən, xüsusi razılıq (lisenziya) alınması üçün Rabitə və İnformasiya Texnologiyaları Nazirliyinə müraciət etmələri xahiş olunur.
Lisenziya almaq üçün tələb olunan sənədlər aşağıdakılardır:
1. Lisenziya almaq üçün ərizə:
Ərizədə aşağıdakılar öz əksini tapmalıdır:
- hüquqi şəxslər üçün - adı, təşkilati-hüquqi forması, hüquqi ünvanı, hesablaşma hesabının nömrəsi və bankın adı, fəaliyyət növü;
- fiziki şəxslər üçün - adı, atasının adı, soyadı, şəxsiyyət vəsiqəsinə dair məlumatlar (seriya, nömrə, nə vaxt və kim tərəfindən verilmişdir, ünvanı), fəaliyyət növü.


2.Hüquqi şəxsin dövlət qeydiyyatı haqqında şəhadətnaməsinin surəti. 3.Ərizəçinin vergi orqanları tərəfindən uçota alınması haqqında müvafiq sənədin surəti.
4.Ərizədə qeyd olunan obyektlərdən hər biri üçün ərizəçinin istifadə hüququnu (mülkiyyət hüququ, icarə, istifadə və s. əsasları) təsdiq edən sənədin surəti.
5.Lisenziya almaq üçün dövlət rüsumunun ödənildiyini təsdiq edən sənəd (lisenziya verilməsindən imtina edilmədikdə təqdim edilir).


Ərizə formalarını bu linkdən http://www.mincom.gov.az/az/main.html əldə etmək olar.


Əlaqə telefonu: 012 598-19-88






Baxış sayı: 1324

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024