12px13px15px17px
Tarix:07/10/13

Təhsil Nazirliyi dərsdən yayınıb internet-klublarda vaxt keçirənlərlə bağlı daha sistemli və davamlı iş aparılmasını məqsədəuyğun sayır

Şagirdlərin dərslərdən yayınaraq internet-klublarda vaxt keçirməsinin qarşısının alınması ilə bağlı məsələlər Təhsil Nazirliyinin hər zaman diqqətindədir. Amma nazirlik bu problemin həll edilməsi üçün ayrı-ayrı reydlərin keçirilməsini deyil, daha sistemli və davamlı iş aparılmasını məqsədəuyğun hesab edir.
 
Nazirlikdən bildirilib ki, sözügedən məsələ ilə bağlı valideynlər də diqqətli olmalıdırlar: “Hər bir şagirdin formalaşmasında məktəblə yanaşı, ailənin də mühüm rolu var. Valideynlər öz övladlarının təhsil almasında, onların bir şəxsiyyət kimi formalaşmasında üzərilərinə düşən vəzifəni yerinə yetirməlidirlər.
 
Məktəb direktorları və sinif rəhbərləri bu işə məsuliyyətlə yanaşmalı, müəllimlərlə valideynlər birgə təşəbbüslər həyata keçirməli və valideyn komitələri bununla bağlı məsələlərə cəlb olunmalıdır”.  
 
Həqiqət İSABALAYEVA



Baxış sayı: 344

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






12 Noyabr 2019

11 11 2019