12px13px15px17px
Tarix:08/10/13

2014-cü ildə qlobal İT xərclərinin həcmi 3,8 trilyon dollar olacaq

“Gartner” analitik şirkətinin son hesabatına əsasən, 2014-cü ildə informasiya texnologiyalarına sərf olunan qlobal xərclərin həcmi 3,8 trilyon dollar olacaq ki, bu da ötən illə müqayisədə 3,6% çoxdur.

“Gartner”in analitiki Piter Zonderqaard deyir ki, 2014-cü ildə internetə qoşulan sistemlər prinsipcə yüksəktexnologiyalı məhsulların tətbiq olunduğu sahənin, demək olar, bütün seqmentlərini əhatə edəcək. "Biz gözləyirik ki, daha çox şirkət və fərdi istifadəçilər "Əşyaların İnterneti" sisteminə daxil olacaq. Rəqəmli texnologiyalar həyatımızın yeni sferalarına inteqrasiya edilməyə davam edəcək” – o deyib.

“ICTnews” elektron xəbər xidməti “cybersecurity.ru” saytına istinadən bildirir ki, 2009-cu ildə “Gartner” analitik şirkətindən bildirilib ki, dünyada IP şəbəkələrə təxminən 2,5 milyard qurğu qoşulub ki, onların da çox hissəsini smartfon və kompüterlər təşkil edir. 2020-ci ildə təxminən 30 milyard işlək IP ünvan olacağı gözlənilir, həm də onların böyük əksəriyyəti öz aralarında məlumat mübadiləsi edən qurğuların ünvanlarıdır.

Emil Hüseynov
 
 
 
 



Baxış sayı: 356

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






31 May 2020

30 05 2020