12px13px15px17px
Tarix:22/10/13

“Nokia” smartfonlarının satış həcmi bir il ərzində üç dəfə artıb

2013-cü ilin üçüncü rübündə “Nokia” şirkətinin “Windows Phone” platforması ilə işləyən smartfonlarının satış həcmi 8 milyondan çox qurğu olacaq ki, bu da ötən ilin müvafiq dövrü ilə müqayisədə təqribən üç dəfə çoxdur. Bu barədə şirkətin daxilində mənbələrə istinadən “The Wall Street Journal” nəşri deyib.

“ICTnews” elektron xəbər xidməti “digit.ru” saytına istinadən bildirir ki, ötən ilin müvafiq dövründə “Nokia” şirkətinin “WP” smartfonlarının satış həcmi 2,9 milyon ədəd təşkil edib. Şirkətin satış həcmi artıq dördüncü rübdür ardıcıl artır.

Analitiklərin proqnozuna əsasən, “Windows Phone” əməliyyat sistemli mobil qurğuların bazar payı yaxın illərdə artacaq və 2017-ci ilədək qlobal smartfon bazarının 10,2%-ni təşkil edəcək.

Satışlarda qeydə alınmış uğura baxmayaraq, “Nokia” şirkətinin maliyyə göstəriciləri hələ ki mənfidir. 2013-cü ilin birinci yarısında şirkət 499 milyon avro dəyərində xalis zərərə məruz qalıb. “Nokia”nın bu ilin üçüncü rübü üzrə hesabatı oktyabrın 29-da dərc ediləcək.

Emil Hüseynov



Baxış sayı: 668

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024