12px13px15px17px
Tarix:28/10/13

Braziliya bazarında dörd mobil rabitə operatorundan üçü qala bilər


Braziliyada fəaliyyət göstərən dörd mobil rabitə operatorundan üçü qala bilər. Ekspertlərin fikrincə, hazırda ölkədə mobil müqavilələrin sayı 268 milyonu ötür ki, bu da ölkə sakinlərinin sayından 1,35 dəfə çoxdur. Bununla yanaşı, o da qeyd olunmalıdır ki, 10 il əvvəl burada 45 milyon abunəçi olub. Yerli analitiklər bildiriblər ki, Braziliyada rabitə xidmətləri Cənubi Amerikada olan ən bahalı xidmətlərdən biridir, lakin buna baxmayaraq operatorlar arasında rəqabət çox güclüdür.

Hazırda Braziliyanın telekommunikasiya bazarında elə bir vəziyyət yaranıb ki, operatorlar birləşmə haqqında düşünmək məcburiyyətindədir. Əvvəllər bu hal müşahidə olunmayıb, lakin indi İtaliyanın “Telecom Italia” şirkəti Braziliyadakı aktivinin satılması haqqında fikirləşir. Potensial alıcılar qismində Portuqaliyanın “Portugal Telecom” və Braziliyanın “Oi” şirkətləri çıxış edir.  

Braziliya operatorları perspektivdə inkişaf edəcək bazarda fəaliyyət göstərdiklərini anlayır, lakin digər tərəfdən buranın telekommunikasiya bazarında vergi dərəcələri yüksəkdir, həmçinin telekommunikasiya avadanlığının gətirilməsinə əlavə vergi qoyulur. Odur ki, operatorlar qiymətləri yüksək səviyyədə saxlamaqla və az mənfəət əldə etməklə çalışmaq məcburiyyətindədir.  

Braziliyanın telekommunikasiya bazarında gözlənilən sövdələşmə Futbol üzrə Dünya Çempionatından əvvəl baş tutmalıdır, çünki o vaxtadək şirkətlər bütün ölkədə “4G” şəbəkəsinin fəal inkişafına başlamaq niyyətindədir, - “Cybersecurity www.cybersecurity.ru” yazır.     



 



Baxış sayı: 654

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024