İKT

Tarix:28/10/13

Region gənclərinin İKT-dən istifadə imkanlarını artırmaq məqsədi ilə təlimlər keçiriləcək

"Rezonans" Gənclərin İctimаi Birliyi bu ilin sentyabr ayından etibarən Azərbaycan Gənclər və İdman Nazirliyinin dəstəyi ilə "Ölkədə İKT-nin inkişafının yeni mərhələsi: Region gənclərinin ən müasir texniki resurslardan istifadə imkanlarının artırılması" layihəsi çərçivəsində ölkənin bir neçə regionunda təlimlər keçirəcək.

Nazirlikdən "ICTnews" xəbər xidmətinə verilən məlumata əsasən, layihənin əsas məqsədi gənclərin bu sahədə olan potensialını üzə çıxarıb inkişaf etdirməkdir.

Layihənin icra planına uyğun olaraq gənclər üçün təlim modullarının hazırlanması da daxildir.
Eyni zamanda regionlarla paytaxtın informasiya mübadiləsini təşkil etmək, regionlarda yeni informasiya texnologiyalarından istifadə sayını artırmaq, bu sahədə məlumatlı olan gənclərin öz fəaliyyətlərində İKT-dən istifadələrini stimullaşdırmaq, sosial şəbəkələrdə onların fəallığını və səmərəliliyini artırmaq layihənin əsas istiqamətlərindəndir.

Aynur Vəliyeva

Baxış sayı: 735