12px13px15px17px
Tarix:29/10/13

Yaponiyanın “NTT” şirkəti ABŞ-ın iki rabitə operatorunu satın alır


Yaponiyanın nəhəng “NTT Communications” telekommunikasiya operatoru ABŞ-ın “Virtela Technology Service” şəbəkə operatorunun satın alınmasını, eləcə də “Raging Wire Data Centers” şirkətinin səhmlərinin xeyli hissəsinə sahib çıxmasını bəyan edib. Bu aktivlər “NTT”-yə Yaponiyadan kənarda məlumatların ötürülməsi bazarında əhəmiyyətli rol oynamağa imkan verəcək.

Bildirilir ki, şirkət “RagingWire”də 80 faizlik payı 350 milyon dollara alıb. Sövdələşmə “NTT”-nin ABŞ-da məlumat mərkəzlərinin ümumi ərazisini iki dəfə genişləndirməyə imkan verir.

Hazırda “RagingWire”in Kaliforniya və Virciniyada məlumat mərkəzləri fəaliyyət göstərir, həmçinin şirkət bir neçəsinin tikintisini aparır. Şəbəkələrin virtual infrastrukturuna əsaslanaraq dünyada məlumatların ötürülməsi servislərini (bu halda fiziki kabellərin icarəsinə ehtiyac duyulmur) təqdim edən “Virtela” şirkəti 525 milyon dollara satın alınıb. “Virtela” hazırda yerli tərəfdaşlar vasitəsilə dünyanın 190 ölkəsində korporativ müştərilərə malikdir.


İmzalanan sazişlər şirkətə dünya telekommunikasiya və internet bazarına çıxmağa kömək etməlidir, çünki Yaponiya bazarındakı mövcud rəqabət istənilən tempdə artıma imkan vermir, - “Cybersecurity www.cybersecurity.ru” yazır.  



Baxış sayı: 684

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






28 Mart 2024

27 03 2024