12px13px15px17px
Tarix:12/08/11

Fərdi kompyuterin yaranmasından 30 il keçir

Hal-hazırda planet əhalisinin çox hissəsi öz həyatlarını internetdən istifadə etməyə, yazmağa və elektron məktubları almağa, informasiyanı saxlamağa, musiqiyə qulaq asmağa, kinoya baxmağa, şəkilləri redaktə etməyə və digər məsələləri həll etməyə icazə verən fərdi kompyuterlərsiz təsəvvür etmirlər. Bütün bu aparatların tarixi isə düz 30 il əvvəl təmtəraqlı Nyu-York mehmanxanası “Waldorf Astoria”-da olmuş mətbuat konfransından başlanır. 1981-ci il avqust ayının 12-də Amerika şirkəti “İnternational Business Machines” öz fərdi kompyuterini – “İBM PC 5150” modelini təqdim edib. Xarici görünüşə görə bu cihaz süd rəngli adi plastik "qutu"ya oxşayırdı: maqnit disketləri üçün yuvalar olan düzbucaqlı sistem bloku gözəl dizayn ilə lovğalana bilmirdi.
“İBM” mühəndislərinin “uşağı” hətta birinci fərdi kompyuter deyildi: “Apple”, “Atari”, “Commodore” şirkətləri artıq onun mikrokompyuterlər adlandırılan sələflərini yaratmışdılar. Lakin məhz 5150 modeli ilə fərdi kompyuter sənayesində inqilab başlanıb. İstehsala yanaşma inqilabi olub: rəqiblərdən geri qalmamaq və fərdi kompyuter yaradılmasına xərclərin azaldılması üçün “Aybiemçilər” müxtəlif təchizatçıların komponentlərini istifadə etməyə başlayırlar. Məsələn, mikroprosessor “İntel” şirkətindən borc alınmış, “MS DOS” əməliyyat sistemini isə “Microsoft” şirkəti hazırlayıb. Bu, o vaxt üçün rekord sayılan 12 ay müddətinə tamamilə yeni fərdi kompyuter (FK) yaratmağa, onun qiymətini isə 4,77 MHz takt tezlikli prosessor və 16 kilobayt yaddaş ilə 1500 dollara qədər azaltmağa kömək etdi.
5 il ərzində “İBM” təxminən 250 000 kompyuter satmağı planlaşdırırdı. Ancaq proses 60 dəfə daha sürətli oldu: elə ilk ay ərzində 240 000-dən çox FK satılmışdı. Kompyuterin standart dəstinə, həmçinin klaviatura və rəngli qrafik adapter də daxil idi. Əlavə pul ödəməklə monitor, printer, disket və yaddaş əldə etmək mümkün idi. Çarli Çaplinin müasir kompyuter maşını arxasında təsviri ilə olan “PC 5150” modelinin orijinal reklamı satışların çox sürətli artmasında böyük rol oynamışdı. Bu üsulla “İBM” istehlakçılara bildirmək istəyirdi ki, onun yeni fərdi komyuterini hər kəs öyrənə bilər.
O vaxtdan kompyuter sənayesi əhəmiyyətli dəyişikliklərə məruz qalıb. “İBM” şirkətinin özünün fərdi kompyuter bazarından getməsi buna sübutdur. Hal-hazırda “iBM” şirkəti, əsasən proqram təminatının hazırlanması ilə məşğuldur. 2005-ci ildə “İBM” şirkəti FK istehsalı üzrə öz biznesini Çin istehsalçısı “Lenovo”ya satıb. Bununla da şirkət faktiki olaraq fərdi kompyuter bazarının ən yaxşı günlərinin keçmişdə qaldığını təsdiq edib.



Baxış sayı: 1766

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024