12px13px15px17px
Tarix:14/11/13

Cari ilin 10 ayı üzrə əlavə dəyərin 1,7 faizi informasiya və rabitə xidmətləri sahəsinin payına düşür

Dövlət Statistika Komitəsi (DSK) Ümumi Daxili Məhsul istehsalı ilə bağlı 2013-cü ilin yanvar-oktyabr aylarında əldə olunan statistik göstəriciləri açıqlayıb. Komitədən bildirilib ki, cari ilin on ayı ərzində istehsal edilmiş Ümumi Daxili Məhsulun həcmi keçən ilin eyni dövrünə nisbətən 5,7 faiz artaraq 47,6 milyard manata çatıb.
 
Ümumi Daxili Məhsulun 64,1 faizi istehsal sahələrinin, 29,6 faizi isə xidmət sahələrinin payına düşüb. Bu dövrdə iqtisadiyyatın neft-qaz sektorunda istehsal olunmuş ÜDM-in həcmi əvvəlki ilin eyni dövrü ilə müqayisədə 1,0 faiz, qeyri-neft sektorunda isə 9,8 faiz artıb.
 
Ümumi Daxili Məhsulun həcmində yaradılmış əlavə dəyərin 1,7 faizi informasiya və rabitə xidmətləri sahəsində fəaliyyət göstərən müəssisə və təşkilatların payına düşür.
 
Cari ilin on ayında əvvəlki ilin eyni dövrü ilə müqayisədə informasiya və rabitə xidmətlərində əlavə dəyər 8,5 faiz artıb.
 
Həqiqət İSABALAYEVA



Baxış sayı: 659

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024