12px13px15px17px
Tarix:16/11/13

İnformasiya Texnologiyaları Universitetinin tələbələri “Azərkosmos”a ekuskursiyaya edib

Bu gün İnformasiya Texnologiyaları Universitetinin bir qrup tələbəsinin “Azərkosmos” Açıq Səhmdar Cəmiyyətinə ekuskursiyası təşkil edilib. Tələbələrə ASC-nin fəaliyyəti haqqında ətraflı məlumat verilib.
 
Bildirilib ki, 2010-cu il 3 may tarixində təsis edilən “Azərkosmos” Qafqazda əsas peyk operatorudur. Müəssisənin əsas fəaliyyəti müştəri tələblərinə cavab verən operator kimi müəyyən edilib. ASC peyk rabitəsi əsasında yayım və genişzolaqlı internet xidmətlərinin göstərilməsi və hökumət müştərilərinın yüksək etibarlı rabitə platformaları ilə təmin edilməsi istiqamətində iş aparır.
 
Qeyd olunub  ki, müəssisənin ən son texnologiyaya əsaslanan avadanlığı və əməkdaşlarının hazırlıq səviyyəsi, ehtiyat və imkanları texnologiyaların tam idarə olunması imkanını verir.
 
Bundan əlavə, “Azərkosmos” yerüstü şəbəkələrin əhatə dairəsinə daxil olmayan peyk əsaslı xidmətlərindən faydalanmaq üçün əhaliyə geniş imkanlar yaradır. “Azerspace-1”  telekommunikasiya peykinin inkişaf etmiş dizaynı və qoşulma imkanları vasitəsilə, dünyada milyonlarla insan informasiya və rabitə xidmətlərindən geniş istifadə edə bilər.
 
Peyk Mərkəzi Asiya, Avropa və Afrikanın 50-dən artıq ölkəsini birləşdirən kosmik məkanda əsas rol oynayır. Əlavə olunub ki, “Azərkosmos” ASC bütün səhmləri tamamilə dövlətə məxsus olmaqla Rabitə və İnformasiya Texnologiyaları Nazirliyinin tabeliyində dövlət qurumudur.
 
 
Peykin idarə mərkəzi və yerüstü sistemlərlə tanış olan tələbələrin müxtəlif sualları cavablandırılıb. Bundan sonra, tələbələrə müxtəlif hədiyyələr təqdim olunub.
 
Eksukursiyanın sonunda jurnalistlərə açıqlama verən “Azərkosmos” Açıq Səhmdar Cəmiyyətinin mətbuat üzrə meneceri Kamran Əliyev qeyd edib ki,  hazırda təhsil alan tələbələrin gələcəkdə potensial kadr olaraq yetişməsində belə  ekuskursiyaların rolu önəmlidir.
 
 Bu fəaliyyətin davam etditriləcəyini vurğulayan K.Əliyevin sözlərinə görə, tələbələrə peyklə bağlı əməliyyatlar, peyikin idarə olunmasında istifadə olunan yerüstü sistemlər, onların rolu nümayiş olunub və ətraflı şəkildə izah edilib.
 
SEYMUR
 
 



Baxış sayı: 1965

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






28 Mart 2024

27 03 2024