İNTERNET

Tarix:25/11/13

“Sazz 4G İnternet” Qusarda fəaliyyət göstərməyə başladı

“Sazz 4G” simsiz internet provayderi öz əhatə dairəsinə Qusar şəhərini daxil edib. Artıq Qusar sakinləri saniyədə 10 meqabitə qədər sürətli simsiz internetə qoşula biləcəklər. Qusar şəhərindəki “Sazz 4G” müştəri xidmətləri və satış mərkəzi Nurəddin Şərifov küçəsi 1A ünvanında, “Qusar Petrol” yanacaqdoldurma stansiyasının yaxınlığında yerləşir. Qeyd edək ki, son iki ay ərzində “Sazz 4G İnternet” provayderi Zaqatala, Balakən, Qax şəhər sakinlərini də genişzolaqlı simsiz internetlə təmin edib.

Məlum olduğu kimi, “Sazz 4G İnternet”in “Standart” tarif paketi abunəçilərə eyni modemlə əhatə dairəsinin istənilən nöqtəsində internetə qoşulmaq imkanı yaradır.

“Sazz 4G İnternet” xidmətinin əhatə dairəsinə Bakı və Abşeron, Gəncə, Mingəçevir, Balakən, Zaqatala, Qax, Qusar, Xırdalan və Sumqayıt şəhərləri daxildir. Yaxın günlərdə Xaçmaz və Quba şəhərlərinin də “Sazz” simsiz internetin əhatə dairəsinə daxil edilməsi gözlənilir.

RƏVAN

Baxış sayı: 786