12px13px15px17px
Tarix:17/12/13

Bakıda “bulud” proqramlaşdırılmasına dair seminar keçiriləcək

Dekabrın 24-də - Proqramçılar Günü  “Microsoft Azerbaijan” şirkəti Bakıda İT mütəxəssislər və tələbələr üçün mobil və “bulud” proqramlaşdırmasına dair seminar təşkil edəcək. Şirkətdən bildirilib ki, seminarda “Windows Phone 8” əməliyyat sistemi üçün mobil əlavələrin yaradılması, mobil əlavələr üçün “Windows Azure Mobile Services” xidməti, universal API-nin yaradılması və “Microsoft Office Share Point” yeni paketi üçün əlavənin yaradılması kimi məsələlər müzakirə olunacaq.
 
Tədbir dekabrın 24-də “Park Inn” hotelinin “Dan ulduzu” zalında keçiriləcək. Seminarda iştirak etmək istəyənlər iştirakını dekabrın 20-dək 437-38-00 telefon nömrəsinə zəng edərək və ya “azms@microsoft.com” ünvanına məktub yazaraq təsdiqləyə bilərlər.
 
Qeyd edək ki, 1975-ci ildə təsis edilmiş “Microsoft” korporasiyası proqram təminatı istehsalında dünya lideridir. “Microsoft” korporasiyası geniş çeşidli proqram məhsulları hazırlayır və istehsal edir.  Onların arasında stolüstü və şəbəkə əməliyyat sistemləri, müştəri-server mühitləri üçün server tətbiqləri, istifadəçilər üçün stolüstü biznes-tətbiqlər və ofis tətbiqləri, interaktiv proqram və oyunlar, internet şəbəkəsində işləmək üçün vasitələr və hazırlama alətləri var. 
 
“Microsoft” korporasiyasının məhsulları 80-dən artıq ölkədə satılır, Azərbaycan dili daxil olmaqla 45-dən çox dilə tərcümə edilib və fərdi kompüter platformalarının əksəriyyəti ilə uyğundur.  2005-ci ildən Azərbaycanda fəaliyyət göstərən “Microsoft Azerbaijan” şirkətinin başlıca vəzifəsi  elektron idarəetmə, biznes inzibatçılığı və təhsil sistemi üçün yeni məhsulları tətbiq etməklə Azərbaycanın inkişafına töhfə verməkdir.
 
Həqiqət İSABALAYEVA
 



Baxış sayı: 608

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024