12px13px15px17px
Tarix:07/01/14

Azərbaycanın “Gənclər paytaxtı” internet səsverməsi ilə seçiləcək

Gənclər və İdman Nazirliyinin təşkilatçılığı ilə həyata keçirilən “Gənclər paytaxtı 2014”-ün seçimlərinə artıq start verilir. “www.genclerpaytaxti.az” saytında səsvermə ilə müəyyənləşəcək paytaxtın seçimi üçün bir sıra şərtlər var.
 
Belə ki, “Gənclər paytaxtı 2014” müsabiqəsində namizəd olmaq istəyən şəhərin (rayonun) gənclər və idman idarəsi tərəfindən müsabiqənin Təşkilat Komitəsinə müvafiq sənədlər göndərilməlidir. Sənədlərə namizədliyin irəli sürülməsi ilə bağlı ərizə/anket, müvafiq şəhərin (rayonun) mərkəzi icra hakimiyyəti orqanı tərəfindən verilmiş dəstək məktubu; "Gənclər paytaxtı" konseptini əks etdirən videoçarx (DVD formatı, 5-10 dəqiqə, ilk kadrda şəhər/rayonun adı) və ya təqdimat (PPT/PPTX formatı, 10-20 slayd, ilk slayda şəhər/rayonun adı); motivasiya məktubu ("Gənclər paytaxtı" iddiasına dair yazılı əsaslandırma, A4 formatı, 1 vərəq) daxildir. Səsvermə siyahısı veb-saytda dərc edildikdən sonra namizəd şəhər (rayon) tərəfindən "Gənclər paytaxtı" konseptini əks etdirən təqdimat (PPT/PPTX formatı, 10-20 slayd, ilk slayda şəhər/rayonun adı) və ya çarx (DVD formatı, 5-10 dəqiqə, ilk kadrda şəhər/rayonun adı) Təşkilat Komitəsinə (elektron poçt ünvanına - mys@mys.gov.az ) təqdim edilməlidir.
 
Müsabiqə internet səsverməsi vasitəsilə həyata keçirilir. Səsvermə “www.genclerpaytaxti.az” saytında təşkil edilir. Səsvermədə yaşadığı yerindən, vətəndaşlığından, yaşından, milliyyətindən asılı olmayaraq hər kəs Azərbaycanın Gənclər paytaxtının seçilməsində bərabər hüquqla iştirak edə bilər. Açıq, şəffaf, bərabər olmaqla 3 prinsip əsasında aparılan səsvermə zamanı verilən hər səs dərhal nəzərə alınır və şəhərin reytinqini bir xal artırır. Səsvermə başa çatdıqdan sonra ən çox səs toplamış şəhər (rayon) qalib seçilir.
 
 
Qeyd edək ki, Azərbaycanın “Gənclər paytaxtı”nın seçilməsi “Azərbaycan gəncliyi 2011-2015-ci illərdə” Dövlət Proqramının 6.5.5. yarımbəndinə müvafiq olaraq, müsabiqə yolu ilə həyata keçirilir. Layihənin əsas məqsədi yerlərdə gənclərlə işin daha da canlandırılması, onların regionlarının ictimai, siyasi, mədəni həyatlarında rolunu və iştirakını inkişaf etdirməkdən ibarətdir.
 
 Keçirildiyi müddət ərzində Gəncə şəhəri “Gənclər paytaxtı 2012”, Biləsuvar rayonu isə “Gənclər paytaxtı 2013” adına layiq görülüb. "Gənclər paytaxtı" 1 il müddətinə seçilir və müddət ərzində həmin şəhər (rayon) gənclərin ictimai, siyasi, sosial, iqtisadi və mədəni həyatda fəal iştirakını təmin edir, onların intellektual və yaradıcılıq potensialının artırılması yeni ideya və layihələrinin həyata keçirilməsinə dəstək verir.
 
Paytaxt Bakı şəhəri və artıq “Gənclər paytaxtı” seçilmiş şəhər/rayonlar istisna olmaqla Azərbaycan Respublikasının istənilən şəhər və rayonları "Gənclər paytaxtı"na namizəd ola bilər. Namizədliyin irəli sürülməsi ilə bağlı sənədlərin təqdim olunması 19 yanvarda tamamlanacaq. Səsvermə siyahısının formalaşdırılması 21-23 yanvar; səsvermənin keçirilməsi üçün isə vaxt  23 yanvar - 1 fevral təyin edilib. 1 fevral tarixində saat 23:59-dan sonra verilmiş səslər qeydə alınmır.
 
Həqiqət İSABALAYEVA
 



Baxış sayı: 689

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






15 Aprel 2021

14 04 2021

14/04/21
“Azərpoçt” MMC-nin Baş direktoru PTT rəhbəri ilə onlayn görüş keçirib

Nəqliyyat, Rabitə və Yüksək Texnologiyalar Nazirliyinin tabeliyində fəaliyyət göstərən “Azərpoçt” MMC-nin

14/04/21
Məhsulların yararlılıq müddətini izləyən qiymət cədvəlləri hazırlanıb

İsrailin “Wasteless” startapı məhsulların yararlılıq müddətini izləyən qiymət cədvəlləri hazırlayıb. Məhs

14/04/21
“Sony” şirkəti 4K ekrana malik yeni qabaqcıl “Xperia 1 III” smartfonunu nümayiş etdirib

Yapon şirkəti “Snapdragon 888” prosessoru ilə təchiz edilmiş “Sony Xperia 1” qabaqcıl smartfonunun üçün

14/04/21
Aparıcı İT şirkətlərinin “Computex 2021 Hybrid” sərgisində iştirakı təsdiqlənib

Tayvanın Xarici Ticarətin İnkişafı Şurası (TAITRA) dünyanın aparıcı informasiya texnologiyaları şirkətlər

14/04/21
Yeni “Apple” qurğuları nə vaxt təqdim ediləcək?

“Apple” şirkətinin yeni qurğuları aprelin 20-də nümayiş olunacaq. Bu barədə “The Verge” nəşri məlumat yayıb.

14/04/21
“Samsung” şirkəti "ən güclü" “Galaxy” qurğusunu elan edib

“Samsung Electronics” şirkəti 28 aprel tarixində keçiriləcək “Galaxy Unpacked” təqdimat mərasimində

14/04/21
“Samsung” şirkəti “Galaxy Tab A7 Lite” adlı ucuz yığcam planşetini təqdim edəcək

“Samsung” şirkəti “Galaxy Tab A7 Lite” adlı ucuz planşetini təqdim etmək niyyətindədir. Qurğu haqqında Çi

14/04/21
Sinqapurda ərzaqlar “Camello” robotları ilə çatdırılmağa başlayıb

Pandemiya şəraitində məhsulların çatdırılması xidmətinə yüksək tələbatı nəzərə alan Sinqapurun “OTSAW Dig

14/04/21
“Canalys”: “Dünya kompüterlər bazarının həcmi sürətlə artır”

“Canalys” şirkəti qlobal fərdi kompüterlər bazarı üzrə statistika dərc edərək məsafədən iş və distant təh