Tarix:09/01/14

Azərbaycan internet məkanında kredit məhsullarını tapmaq və müqayisə etmək üçün sayt yaradılıb

Azərbaycan internet məkanında yeni elektron maliyyə xidmətləri resursu “Asankredit.az” yaranıb.
“ICTnews” xəbər xidmətinin məlumatına əsasən, sayt kredit məhsullarının axtarışını və müqayisəsini etmək üçün yaradılmış layihədir.

Layihənin həyata keçirilməsinə 2013-cu ildən başlanılıb və portalda Azərbaycanın ən böyük banklarının bütün kreditləri öz əksini tapır.

“Asankredit.az”, kreditlər arasında müqayisə edərək potensial bank müştərilərinə onlara ən çox uyğun olanını seçməyə kömək edir. Kreditləri faiz miqdarına görə, məbləğin həcminə görə, alınan komissiyaya görə və digər bütün şərtlərinə görə sıralaya bilər, müştəridə ən sərfəli olanını seçə bilər.

“Asankredit.az” saytı hazırda kredit kartları, istehlak kreditləri, avtokreditlər, mikrokreditlər, biznes kreditləri və ipoteka krediti üzrə ixtisaslaşır.

Aynur Vəliyeva
 

Baxış sayı: 819

© İstifadə edilərkən İctnews-a istinad olunmalıdır