12px13px15px17px
Tarix:10/01/14

“Gmail” poçt xidmətinin istifadəçilərinə naməlum ünvanlara məktub göndərməyə icazə verilib

"Google"un bloquna əsasən, "Gmail" poçt xidmətinin istifadəçilərinə elektron ünvanları naməlum insanlara məktub göndərməyə icazə verilib.

Poçt ünvanı haqqında informasiya "Google+" sosial şəbəkəsindən götürülür. Məktubu göndərmək üçün "Qəbul edən" sahəsinə insanın adını daxil etmək lazımdır. Əgər həmin insan "Google+" sosial şəbəkəsində qeydiyyatdan keçibsə, o zaman məktubu alacaq.

"ICTnews" elektron xəbər xidməti "lenta.ru" saytına istinadən bildirir ki, məktubun ünvana getməsinə baxmayaraq, qəbul edən şəxsin "e-mail"i göndərən şəxsə məlum olmayacaq. Məktuba cavab verdiyi halda onun kimliyi məlum olacaq.

Əgər "Google+" sosial şəbəkəsinin istifadəçisi onun ünvanını bilməyən şəxslərin ona məktub göndərməsini istəməsə, "Gmail" poçt sisteminin "Sazlamalar" bölməsində "Google+ vasitəsilə məktub göndərmək" bölməsində müvafiq punktu seçə bilər.
"Gmail" dörd məxfilik səviyyəsini nəzərdə tutur.

Emil Hüseynov



Baxış sayı: 742

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024