İNTERNET

Tarix:16/01/14

Qiymətli Kağızlar üzrə Dövlət Komitəsində vətəndaşların videoqəbulu mexanizmi istifadəyə verilir

Qiymətli Kağızlar üzrə Dövlət Komitəsində (QKDK) vətəndaşların müraciətlərinə baxılması işinin təkmilləşdirilməsi, eləcə də vətəndaşlar arasında daha operativ və səmərəli münasibətlərin qurulması məqsədilə vətəndaşların videoqəbulu mexanizmi istifadəyə verilib.

Bu məqsədlə “Azərbaycan Respublikasının Qiymətli Kağızlar üzrə Dövlət Komitəsində vətəndaşların qəbulu” daxili qaydalarına müvafiq dəyişikliklər edilib, o cümlədən “Azərbaycan Respublikasının Qiymətli Kağızlar üzrə Dövlət Komitəsində vətəndaşların videoqəbulu barədə təlimat” təsdiq edilib və zəruri texniki işlər həyata keçirilib.

Komitənin İctimaiyyətlə əlaqələr sektorundan bildirilib ki, QKDK-nın səlahiyyətli şəxsinin qəbulunda olmaq istəyən hər bir vətəndaş, yaşadığı ərazini tərk etmədən artıq komitənin rəsmi internet saytı vasitəsilə müraciət edərək videoəlaqə yarada biləcək:

“Ümumilikdə, QKDK-da vətəndaşların müraciətlərinə baxılması işinin təkmilləşdirilməsi və səmərəliliyinin artırılması məsələlərinə komitədə uğurla tətbiq edilən strateji planlama çərçivəsində yanaşılır və aidiyyəti struktur bölmələrin illik fəaliyyət planlarında müvafiq tədbirlər nəzərdə tutularaq müntəzəm olaraq həyata keçirilir”.

Həqiqət İSABALAYEVA

Baxış sayı: 678