12px13px15px17px
Tarix:21/01/14

Çinlilər şəxsiyyət vəsiqəsini təqdim etmədən video yükləyə bilməyəcəklər

Çin Dövlət Radio və Televiziya İdarəsinin rəsmi saytında yer almış məlumata əsasən, bu ölkənin internet istifadəçiləri videohostinq saytlarında öz adları ilə qeydiyyatdan keçməlidirlər.
 
“ICTnews” elektron xəbər xidməti “lenta.ru” saytına istinadən bildirir ki, bu qadağa yalnız Çində qeydiyyatdan keçmiş saytlara aiddir. Bu cür  resurslara video əlavə etmək imkanına malik olmaq  üçün istifadəçi sayt administrasiyasına şəxsiyyət vəsiqəsinin surətini verərək öz şəxsiyyətini təsdiq etməli olacaq.
 
Hakimiyyət izah edir ki, yeni qeydiyyat qaydaları internetdə cəmiyyət üçün qəddarlıq və cinsi zorakılıq səhnələrindən ibarət təhlükəli videokontenti  yaymamaq məqsədi ilə tətbiq edilib. "İnternet sağlam ünsiyyət mühiti olmalıdır.
 
Çində videohostinqlər çox populyardır. "Reuters”in məlumatına görə, ölkədə təxminən 428 milyon insan videokontent yüklənmə xidmətlərindən istifadə edir. Çində dünyanın ən böyük videohostinqi “YouTube” bloklandığından istifadəçilərin əksəriyyəti ÇXR-də qeydiyyatdan keçirilmiş və yerli qanunlara tabe olan Çin analoqlarına daxil olur.
 
İnternetə çıxış üçün şəxsiyyət vəsiqəsinin təqdim olunmasını tələb edən oxşar məhdudiyyətlər artıq İranda mövcuddur. İnternet-kafedəki kompüterlər vasitəsilə internetə çıxan iranlı istifadəçilər ilk öncə şəxsiyyət vəsiqəsini göstərməli, sonra isə xüsusi anket doldurmalıdırlar.
 
Emil Hüseynov



Baxış sayı: 873

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024