12px13px15px17px
Tarix:22/01/14

Azərbaycan Milli Kitabxanasının “Elektron kataloq”unda “İnterfeys” yenilənir

Azərbaycan Milli Kitabxanasının (AMK) “Elektron kataloq”unda hal-hazırda “İnterfeys” və “Oxucuya yardım” üzərində düzəliş aparılır.

Kitabxanadan bildirilib ki, “Elektron kataloq”da məlumat bazasına ədəbiyyat “Kitabxanaya daxil olan yeni ədəbiyyat”; “Arxiv şöbəsində toplanmış və əks-xronoloji ardıcıllıqla seçilən ədəbiyyat”; “Kitab verilişi məntəqəsində oxucular tərəfindən qaytarılan, daha çox istifadə olunan ədəbiyyat” olmaqla, üç istiqamətdə daxil edilir. “Elektron kataloq” AMK-nın fondlarından təqdim olunan nəşrlərin bir sıra növlərinin maşınla oxunan biblioqrafik yazılarını özündə əks etdirir:
 
“Buraya Azərbaycan dilində olan nəşrlər; rus dilində olan nəşrlər; dissertasiya avtoreferatları; not – musiqi nəşrləri; kartoqrafiya nəşrləri; elektron resursları daxildir. AMK-nın “Elektron kataloq”unda yazılar “MARC 21” formatında işlənilir”.
 
 
AMK-nın “elektron kitabxana”sına gəlincə, bu baza müəllif hüquqlarını qoruyub saxlamaqla, milli ədəbiyyat nümunələrini elektron daşıyıcılarına köçürməklə yaradılır. Eyni zamanda “elektron kitabxana”ya müəllifin öz arzusu ilə onun təqdim etdiyi əsərin elektron versiyası da daxil edilə bilər.
 
Həqiqət İSABALAYEVA



Baxış sayı: 768

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024