12px13px15px17px
Tarix:23/01/14

Azərbaycanla Türkiyə dövlət qulluğunun idarə edilməsində “elektron hökumət”in tətbiqini nəzərdə tutan sənəd imzalayıblar

Bu gün Bakıda “Azərbaycan Prezidenti Yanında Dövlət Qulluğu Məsələləri üzrə Dövlət Komissiyası ilə Türkiyənin Dövlət Kadrlarının İdarə Edilməsi İdarəsi arasında 2014-2015-ci illərdə əməkdaşlıq üzrə fəaliyyət planı”nın imzalanma mərasimi keçirilib.
 
“ICTnews” xəbər xidmətinin məlumatına əsasən, sənəd “Azərbaycanla Türkiyə arasında dövlət qulluğunun idarə edilməsinin dəstəklənməsi və inkişafı sahələrində əməkdaşlıq haqda protokol” çərçivəsində imzalanıb.
 
Azərbaycan tərəfindən sənədi Azərbaycan prezidenti yanında dövlət qulluğu məsələləri üzrə dövlət komissiyasının sədri Bəhram Xəlilov, Türkiyə tərəfindən isə Dövlət kadrlarının idarə edilməsi idarəsinin rəhbəri Mehmet Əli Kumbuzoğlu imzalayıblar.
 
Fəaliyyət planı Azərbaycan və Türkiyə nümayəndələrinin qarşılıqlı işçi səfərlərin keçirilməsini nəzərdə tutur. Səfərlər çərçivəsində insan resurslarının idarə edilməsində yeni yanaşmalar, dövlət qulluqçularının peşəkar hazırlığı, rotasiya, etik davranışa nəzarət, dövlət qulluqçularının xidmət fəaliyyətinin qiymətləndirilməsi sistemlərinin istifadə edilməsi, dövlət qulluqçularının karyera artımına, dövlət qulluğunun idarə edilməsində “elektron hökumət”in tətbiqinə və s. vacib məsələlərə diqqət yetiriləcək.
 
Aynur Vəliyeva
 
 



Baxış sayı: 677

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024