12px13px15px17px
Tarix:24/01/14

“Lenovo” şirkəti “IBM”-in server biznesinin bir hissəsini satın alıb


Çinin “Lenovo” şirkəti ABŞ-ın “IBM” korporasiyasının server biznesinin bir hissəsinin 2,3 milyard dollara satın alınması ilə bağlı razılıq əldə edib. Bu barədə “Wall Street Journal” nəşri məlumat verib.  
 
Bundan əvvəl Çin istehsalçısı “IBM”-in “Intel” və “AMD” şirkətlərinin istehsalı olan x86 arxitekturalı prosessorlar üçün serverlərin hazırlanması ilə məşğul olan bölməsinin satın alınması ilə bağlı danışıqlar aparıb.
 
Qeyd edək ki, “IBM” serverlər istehsal edir, eləcə də istifadəçilərə “bulud” və internet servisləri təqdim edir. Korporasiyanın 2013-cü ilin üçüncü rübündə server həllərinin satışından mədaxili ikinci rüblə müqayisədə 18,9 faiz azalaraq 2,8 milyard dollar təşkil edib.
 
“Lenovo” server, fərdi kompüter, planşet və smartfonların istehsalı ilə məşğul olur. 2013-cü ilin dördüncü rübünün yekunları üzrə Çin istehsalçısı 18,1 faizlik payla (14,9 milyon ədəd) dünyada fərdi kompüterlərin satışı üzrə birinci yeri tutub, dünya serverlər bazarında liderlər üçlüyünə daxil ola bilməyib, - "Digit www.digit.ru” yazır.   






Baxış sayı: 448

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






31 May 2020

30 05 2020