12px13px15px17px
Tarix:10/02/14

Gənc tədqiqatçılar nanotexnologiya sahəsi ilə bağlı məlumatlandırılıblar

Azərbaycan Milli Elmlər Akademiyası Fizika İnstitutunda Gənc Alim və Mütəxəssislər Şurasının təşkilatçılığı ilə "Yüksək texnologiyaların materialı - Qrafen.  Xassələri, tətbiqləri" mövzusunda  seminar keçirilib. Seminarda məqsəd gənc tədqiqatçıların fizika elminin nanotexnologiya sahəsindən məlumatlı olmalarını və bu sahədə elmi biliklərini genişləndirməyi təmin etməkdir.
 
İnstitutdan bildirilib ki, tədbiri açan Gənc Alim və Mütəxəssislər Şurasının sədri Suma Hüseynova İnnovasiya sektorunun professoru, məruzəçi Hüseyn Orucova şuranın dəvətini qəbul etdiyinə görə təşəkkürünü bildirib. İlk olaraq mövzunun  aktuallığından  danışan  məruzəçi karbonun çoxatomlu təbəqəsi olan qrafen haqqında məlumat verib. Bildirib ki, təbiətdə ən nazik və ən möhkəm material olan qrafen 2004-cü ildə britaniyalı fiziklər A.Geyn və K. Novoslov tərəfindən kəşf olunub.
 
 2010-cu ildə isə alimlər bu ixtiralarına görə "Nobel" mükafatına layiq görülüblər. H.Orucov vurğulayıb ki, 2013-cü ildə qrafenin xassələrini tədqiq etmək məqsədilə İsveçin Çalmers Universitetinin professoru Jare Kenareteyə qrant layihəsi çərçivəsində bir milyard avro ayrılıb.
 
 Seminarın sonunda mövzu ətrafında müzakirələr aparılıb və suallar cavablandırılıb.
 
 
Həqiqət İSABALAYEVA




Baxış sayı: 663

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024