12px13px15px17px
Tarix:18/02/14

Azərbaycan “Mobile World Congress-2014” beynəlxalq elektronika sərgisində təmsil olunacaq

Azərbaycanın ilk mobil rabitə operatoru olan “Bakcell” şirkəti ölkəni “Mobile World Congress-2014 sərgisində təmsil edəcək.

“Bakcell”dən “ICTnews” xəbər xidmətinə verilən məlumata əsasən, fevralın 24-27-də Barselonada (İspaniya) keçiriləcək tədbirdə Azərbaycan mobil rabitə operatorunun rəhbərliyi iştirak edəcək.

Sərgidə Cənubi Koreyanın “Samsung” şirkətinin “Gear” smart saatları və digər qurğularla yanaşı, “Android” əməliyyat sistemi ilə rəqabət aparan “Tizen” ƏS-i də nümayiş etdirəcəyi gözlənilir. 


“Nokia”dan isə sərgi iştirakçıları əsasən “Lumia 1020” və “1520” modellərinin xələfini – “Lumia 1820”-ni gözləyirlər. Smartfonun displeyi yetərli qədər iri ölçüdə - 5,2 düymdür, "Qualcomm” (Snapdragon 850) yüksək məhsuldarlı çip ilə təchiz edilib, 3 giqabayt gücündə əməli yaddaşa malikdir və 32 Gb-a qədər yaddaş həcmi ilə xarici yaddaş kartını dəstəkləyir. 

Şirkət, həmçinin “Normandy” (və ya Nokia X) “Android”-smarfonunu da təqdim edəcək. Qurğu 2 SİM-kartı, ikinüvəli çipi, (1Ghz), 512 Mb əməli yaddaş, 4 Gb həcmində fləş, “microSD” kartını, “Bluetooth 4.0”, “Wi-Fi” və “GPS” modullarını dəstəkləyir. Qurğunun qiymətinin təxminən 110 dollar məbləğində olacağı deyilir. 

Sərgidə, həmçinin “HTC”, “Sony”, “LG”, “BlackBerry”, “Huawei”, “Google” və “Oppo” şirkətləri də smartfon, planşet kimi innovativ məhsullarını təqdim edəcəklər. Bundan əlavə, “Blackphone” – təqibdən mühafizə edilmiş “kriptosmartfon”unun da nümayişi gözlənilir. 

Aynur Vəliyeva



Baxış sayı: 927

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024