12px13px15px17px
Tarix:01/03/14

Azərbaycanda müasir İKT ilə təchiz olunacaq daha bir məhkəmə binasının təməli qoyulub

Son illər müasirliyi ilə fərqlənən və ən son informasiya-kommunikasiya texnologiyaları ilə təchiz olunmuş yeni məhkəmə binaları tikilib istifadəyə verilib, ölkəmizdə konseptual baxımdan yeni olan bir neçə məhkəməni əhatə edən məhkəmə komplekslərinin və binalarının, o cümlədən ötən aylar ərzində İmişli və Qəbələ rayon məhkəmələri üçün yeni binaların təməli qoyularaq intensiv inşasına başlanılıb.
 
Ədliyyə Nazirliyindən verilən məlumata görə, bu tədbirlər çərçivəsində fevralın 28-də Bakı şəhəri Binəqədi Rayon Məhkəməsi üçün müasir inzibati binanın təməlqoyma mərasimi keçirilib.
 
Ümumi sahəsi 7672 m2 olan 4 mərtəbədən və zirzəmidən ibarət yeni məhkəmə binası ictimai və inzibati zonalara bölünməklə müasir texnologiya və avadanlıqlarla təchiz olunacaq, o cümlədən videokonfransların, elektron sənəd dövriyyəsi və məhkəmə işlərinin idarə olunmasına xidmət edən audio və videosistemlər, digər zəruri infrastruktur quraşdırılacaq.

CAHANGİR



Baxış sayı: 703

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024