12px13px15px17px
Tarix:05/03/14

“Apple”ın maliyyə direktoru şirkətdən gedir

ABŞ-ın “Apple” şirkətinin maliyyə direktoru Piter Oppenqeymer cari ilin sentyabrında təqaüdə çıxacaq. Bu haqda korporasiyanın rəsmi saytında yazılıb.

Maliyyə və korporativ nəzarət üzrə vitse-prezident vəzifəsində çalışan Luka Maestri bu vəzifəyə təyin ediləcək.

“ICTnews” elektron xəbər xidməti “itar-tass.com” saytına istinadən bildirir ki, Oppenqeymer 1996-cı ildə “Apple”da işə düzəlib, satışla məşğul olub və bundan sonra maliyyə seqmentinə rəhbərlik edib.

“Apple”ın direktoru Tim Kukun sözlərinə görə, Oppenqeymerin işlədiyi  müddətdə şirkətin gəliri 8-dən 171 milyard dollaradək artıb, korporasiyanın dünya bazarlarında fəaliyyəti xeyli genişlənib.

"Onun biliyi, liderlik qabiliyyəti və təcrübəsi “Apple” şirkətinin uğurunda böyük rol oynayıb" – Kuk deyib.

Emil Hüseynov



Baxış sayı: 377

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






26 May 2020

25 05 2020