12px13px15px17px
Tarix:28/03/14

Yeni “iPhone” modellərinin çıxış tarixi bəlli olub

Tədarük kanallarına istinad edən Yaponiyanın “Nikkei” işgüzar qəzeti yazır ki, “Apple” sentyabrda iki yeni “iPhone” modeli təqdim etməyə hazırlaşır. Yeni aparatlarda ekranların diaqonalı artırılaraq müvafiq olaraq 4,7 və 5,5 düym təşkil edəcək.

Qəzet yazır ki, istehsalçılar artıq barmaq izlərinin skaneri və başqa komponentlərin buraxılışına başlayıb.
Tədarükçülər aprel-iyun aylarında maye kristal panellərin kütləvi istehsalına başlamağı hesablayıb. Tədarükçülərdən biri “LG Display” şirkəti olacaq.

“ICTnews” elektron xəbər xidməti “cnews.ru” saytına istinadən bildirir ki, “Nikkei” qəzetindəki materiala əsasən, yeni ekranların təsvir ölçüsü “iPhone 5S” ilə müqayisədə daha böyük olacaq.

Yeni “iPhone” modellərinə öncədən “iOS 8” platformasının quraşdırılacağı gözlənilir. Yeni platformada “Healthbook” daxil olmaqla, bir sıra yeni tətbiqlər olacaq. “Healthbook” tətbiqi sahibinin fiziki göstəricilərinə nəzarət edəcək. Həmçinin “Maps” tətbiqinin xeyli təkmilləşdiriləcəyi gözlənilir. Platformanın qrafik interfeysi bütövlükdə dəyişməyəcək.

Emil Hüseynov



Baxış sayı: 604

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024