12px13px15px17px
Tarix:02/04/14

İnformasiya Texnologiyalarının İnkişafı Dövlət Fondu qrant layihələrinin qəbuluna başlayıb

Rabitə və Yüksək Texnologiyalar Nazirliyi nəzdində İnformasiya Texnologiyalarının İnkişafı Dövlət Fondu aprelin 2-dən etibarən elan edilmiş müsabiqədə iştirak üçün qrant layihələrinin qəbuluna başlayıb.

Fonddan "ICTnews" xəbər xidmətinə verilən məlumata əsasən, qrant layihələri onlayn rejimdə elektron formada qəbul ediləcək.

Fondun rəsmi saytında layihələrin biznes planının strukturu və digər tələb olunan sənədlər haqda məlumatlar yerləşdirilib. Müsabiqənin qalibləri təxminən iyun ayında məlum olacaqlar.

Layihələrə 10 mindən 300 min manatadək vəsait ayrılması nəzərdə tutulub. Qəbul edilməyən layihələrin müəlliflərinə əsaslandırma təqdim ediləcək və bu sənəddə layihənin hansı kriterilərə uyğun gəlmədiyi izah olunacaq.

Müəlliflər üçün VÖİN layihə qəbul olunduqdan  sonra açılacaq ki, müəllif xərclərə və problemlərə məruz qalmasın. Qeyd edək ki, hesab mütləq Azərbaycanda fəaliyyət göstərən bankda açılmalıdır.

Aynur Vəliyeva

 




Baxış sayı: 753

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






16 Sentyabr 2019

15 09 2019