Tarix:03/04/14
"Google" Azərbaycanın reklam naşirləri üçün önəmli qərar qəbul edib. Belə ki, azərbaycanlılar Amerika və Avropada olduğu kimi, "Google Adsense"da qazandıqları pulları bank hesablarına köçürə biləcəklər.
"ICTnews" elektron xəbər xidməti bildirir ki, martın ortalarında verilən bu qərardan sonra əldə edilən vəsaitlərin köçürülməsinə başlanılıb.
Qeyd edək ki, artıq Azərbaycanın elektron naşirləri reklamdan əldə etdikləri pulları bu yolla əldə edə biliblər.
Məlumat üçün bildirək ki, internetdə istənilən şəxs və ya istənilən şirkət reklam verə bilər. Onlar da həm öz saytlarını, həm də hansısa məhsullarını reklam edə bilərlər. Şirkətlər "Google"da qeydiyyatdan keçdikdən sonra öz reklamını verir. Burada hansı format seçilirsə, ona uyğun da reklamlar yayılır. Bura şəkil, yazı və ya videoformatlar daxildir. Üstəgəl, "Google" tərəfindən onların hazır ölçüləri də müəyyənləşdirilib.
Reklam verənlər öz reklamlarını "Google Adsense"də yerləşdirib hər göstərişə və yaxud da "klik"ə görə nəzərdə tutulan məbləği ödəyəndən sonra həmin reklamı nəşrə ("publisher") buraxırlar.
Xırda və iri saytlar da qeydiyyatdan keçdikdən sonra öz portallarının formatına uyğun istədiyi reklamın kodunu götürərək saytda yerləşdirirlər. Həm sayta girişlərin sayına, yəni reklama baxışlara görə, eyni zamanda "klik"lərə görə onun üzərindən pul qazanırlar.
"Google Adsense"-nin də əsas işi bundan ibarətdir. Yəni şirkətlər və ya ayrı-ayrı şəxslər "Google Adsense"-də reklam yerləşdirir, yayımçılar da bu reklamı götürərək öz saytlarında paylaşırlar.
Yeri gəlmişkən bildirək ki, reklam verənlər reklamın harada göstəriləcəyi yeri seçir. Elə reklamlar var ki, xəbər saytlarında, "YouTube"da və ya mobil oyunlar zamanı internet istifadəçisinə təqdim olunur. Azərbaycanlılar da bunların hər birini seçə bilər. Tutaq ki, hər hansı bir şəxsin çox məşhur "YouTube" kanalı var. Ora girişlərin sayı çoxdursa, bu zaman reklamçılar bundan istifadə edir. Ona görə də "YouTube"da baxılan videolarda həmin reklamların banerləri çıxır. Bu banerlər də "Google Adsense"-nin banerləridir. Onlara edilən "klik"lərə və ya baxışlara görə də naşirlər pul qazanır.
Bu vaxta qədər Azərbaycan vətəndaşlarının qarşılaşdığı problemlərdən biri də reklamdan qazanılan sözügedən vəsaitin nağdlaşdırılması ilə bağlı olub. Mövzunu bir qədər də aydınlaşdırmaq üçün qeyd edim ki, Amerika daxilində "Google"un verdiyi pulu sayt rəhbərləri həm çeklə çıxara, həm də özünün bank hesabından götürə bilirdi. Amma Azərbaycana gələndə isə "Google" yığılan vəsaiti yalnız çek ilə göndərirdi. Çek 1 ay müddətinə poçtla gəlirdi. Həmin çeki isə Azərbaycanda yalnız 2 bank nağdlaşdırırdı. Onlardan da biri bu yaxınlarda nağdlaşdırmanı dayandırmışdı.
Qeyd edim ki, bank tərəfindən həmin çekin nağdlaşdırılması da təxminən 2 ay çəkirdi. Doğrudur, bu zaman tutulan komisyon haqqı elə də böyük olmurdu. Lakin 100 dollar həcmində olan vəsaitin nağdlaşdırma müddətinin iki ay çəkməsi həddindən artıq uzun müddət hesab olunurdu.
Burada komisyon tutulmalarının və eləcə də göndərilən vəsaitlərin miqdarının az olması banklara iqtisadi cəhətdən sərf etmirdi. Ona görə də banklar iqtisadi cəhətdən səmərəli olmayan çeklərə vaxt və işçi ayırmaqda maraqlı deyildilər.
Amma "Google"un bu qərarından sonra reklamçıların işi asanlaşıb. Belə ki, şirkət Azərbaycan üzrə bank köçürməsi sistemini işə salıb. Bundan sonra Azərbaycan istifadəçiləri özlərinin bank rekvizitlərini qeydiyyatdan keçirəcək.
Beləliklə də yığılan pullar avtomatik olaraq banka – naşirin hesabına göndəriləcək. Vətəndaş da əziyyət çəkmədən, vaxt itirmədən gedib qazandığı vəsaiti nağdlaşdıra biləcək.
Qeyd edək ki, "Google"da bank hesabını dondurmaq xidməti də var. Yəni qazanılan pullar bir yerə yığılaraq saxlanılır. Bundan sonra isə naşir həmin pulu istədiyi vaxt götürür.
Seymur Qasımbəyli
“Google” Azərbaycanın elektron reklam naşirlərini sevindirən qərar qəbul edib
"Google" Azərbaycanın reklam naşirləri üçün önəmli qərar qəbul edib. Belə ki, azərbaycanlılar Amerika və Avropada olduğu kimi, "Google Adsense"da qazandıqları pulları bank hesablarına köçürə biləcəklər."ICTnews" elektron xəbər xidməti bildirir ki, martın ortalarında verilən bu qərardan sonra əldə edilən vəsaitlərin köçürülməsinə başlanılıb.
Qeyd edək ki, artıq Azərbaycanın elektron naşirləri reklamdan əldə etdikləri pulları bu yolla əldə edə biliblər.
Məlumat üçün bildirək ki, internetdə istənilən şəxs və ya istənilən şirkət reklam verə bilər. Onlar da həm öz saytlarını, həm də hansısa məhsullarını reklam edə bilərlər. Şirkətlər "Google"da qeydiyyatdan keçdikdən sonra öz reklamını verir. Burada hansı format seçilirsə, ona uyğun da reklamlar yayılır. Bura şəkil, yazı və ya videoformatlar daxildir. Üstəgəl, "Google" tərəfindən onların hazır ölçüləri də müəyyənləşdirilib.
Reklam verənlər öz reklamlarını "Google Adsense"də yerləşdirib hər göstərişə və yaxud da "klik"ə görə nəzərdə tutulan məbləği ödəyəndən sonra həmin reklamı nəşrə ("publisher") buraxırlar.
Xırda və iri saytlar da qeydiyyatdan keçdikdən sonra öz portallarının formatına uyğun istədiyi reklamın kodunu götürərək saytda yerləşdirirlər. Həm sayta girişlərin sayına, yəni reklama baxışlara görə, eyni zamanda "klik"lərə görə onun üzərindən pul qazanırlar.
"Google Adsense"-nin də əsas işi bundan ibarətdir. Yəni şirkətlər və ya ayrı-ayrı şəxslər "Google Adsense"-də reklam yerləşdirir, yayımçılar da bu reklamı götürərək öz saytlarında paylaşırlar.
Yeri gəlmişkən bildirək ki, reklam verənlər reklamın harada göstəriləcəyi yeri seçir. Elə reklamlar var ki, xəbər saytlarında, "YouTube"da və ya mobil oyunlar zamanı internet istifadəçisinə təqdim olunur. Azərbaycanlılar da bunların hər birini seçə bilər. Tutaq ki, hər hansı bir şəxsin çox məşhur "YouTube" kanalı var. Ora girişlərin sayı çoxdursa, bu zaman reklamçılar bundan istifadə edir. Ona görə də "YouTube"da baxılan videolarda həmin reklamların banerləri çıxır. Bu banerlər də "Google Adsense"-nin banerləridir. Onlara edilən "klik"lərə və ya baxışlara görə də naşirlər pul qazanır.
Bu vaxta qədər Azərbaycan vətəndaşlarının qarşılaşdığı problemlərdən biri də reklamdan qazanılan sözügedən vəsaitin nağdlaşdırılması ilə bağlı olub. Mövzunu bir qədər də aydınlaşdırmaq üçün qeyd edim ki, Amerika daxilində "Google"un verdiyi pulu sayt rəhbərləri həm çeklə çıxara, həm də özünün bank hesabından götürə bilirdi. Amma Azərbaycana gələndə isə "Google" yığılan vəsaiti yalnız çek ilə göndərirdi. Çek 1 ay müddətinə poçtla gəlirdi. Həmin çeki isə Azərbaycanda yalnız 2 bank nağdlaşdırırdı. Onlardan da biri bu yaxınlarda nağdlaşdırmanı dayandırmışdı.
Qeyd edim ki, bank tərəfindən həmin çekin nağdlaşdırılması da təxminən 2 ay çəkirdi. Doğrudur, bu zaman tutulan komisyon haqqı elə də böyük olmurdu. Lakin 100 dollar həcmində olan vəsaitin nağdlaşdırma müddətinin iki ay çəkməsi həddindən artıq uzun müddət hesab olunurdu.
Burada komisyon tutulmalarının və eləcə də göndərilən vəsaitlərin miqdarının az olması banklara iqtisadi cəhətdən sərf etmirdi. Ona görə də banklar iqtisadi cəhətdən səmərəli olmayan çeklərə vaxt və işçi ayırmaqda maraqlı deyildilər.
Amma "Google"un bu qərarından sonra reklamçıların işi asanlaşıb. Belə ki, şirkət Azərbaycan üzrə bank köçürməsi sistemini işə salıb. Bundan sonra Azərbaycan istifadəçiləri özlərinin bank rekvizitlərini qeydiyyatdan keçirəcək.
Beləliklə də yığılan pullar avtomatik olaraq banka – naşirin hesabına göndəriləcək. Vətəndaş da əziyyət çəkmədən, vaxt itirmədən gedib qazandığı vəsaiti nağdlaşdıra biləcək.
Qeyd edək ki, "Google"da bank hesabını dondurmaq xidməti də var. Yəni qazanılan pullar bir yerə yığılaraq saxlanılır. Bundan sonra isə naşir həmin pulu istədiyi vaxt götürür.
Seymur Qasımbəyli
Baxış sayı: 1739
© İstifadə edilərkən İctnews-a istinad olunmalıdır
Oxşar xəbərlər
- "Netty"nin qalibləri bəlli oldu
- Microsoft Ballmerdən razıdır
- Cəzalı sürücülər haqqında məlumatlar internetdə yerləşdiriləcək
- “Google”: Chrome OS planşetlər üçün nəzərdə tutulmayıb
- İnternet-istifadəçilərin sayı planet əhalisinin 40%-ni təşkil edəcək
- Twitter foto xidmət istifadəyə verir
- Məktəblilərin internet təhlükəsizliyi
- 3 İT nəhəngindən sayt yaratmaq istəyənlərə töhfə
- Dünyada 55 milyondan artıq Xbox 360 satılıb
- Disney yeni sayt istifadəyə verib
- Suriyada internet böhranına son verildi
- “Apple” şirkəti “Microsoft” və “İntel”dən daha dəyərlidir
- Bakı və Abşeronda WİMAX şəbəkəsi genişləndirilir
- Dövlət qurumlarına elektron portallarında dəyişikliklər edilməsi tövsiyə olunub
- Şəbəkədə olan saytların sayı 346 milyonu keçib
