12px13px15px17px
Tarix:14/04/14

"Milliön" köşklərində dövlət qurumlarının xidmətləri üzrə ödənişlərin qəbulu təşkil olunacaq

Azərbaycanın aparıcı ödəniş sistemi olan "Komtech" şirkəti bir sıra dövlət qurumları ilə danışıqlar aparır.
 
Şirkətdən “ICTnews” xəbər xidmətinə verilən məlumata əsasən, yaxın zamanda danışıqların nəticəsində "Milliön" köşklərində yeni ödənişlərin qəbulu başlanmalıdır.

“Biz hazırda bir sıra dövlət qurumları ilə onların göstərdiyi xidmətlər üzrə ödənişlərin, cərimələrin qəbulu haqda danışıqlar aparırıq. Yaxın zamanda danışıqların yekunlaşması gözlənilir və bundan sonra artıq “Milliön” köşklərində yeni ödənişlərin qəbuluna başlanılacaq”,- deyə şirkətdə bildiriblər.
 
Qeyd edək ki, ötən il şirkətin rəhbərliyinin verdiyi proqnozlara əsasən, sistemin perspektivdə ölkədə fəaliyyət göstərən bütün bankların kreditlər üzrə ödənişləri, Dövlət Yol Polisinin cərimələri, vergi orqanlarının və digər dövlət strukturlarının ödənişlərinin "Milliön" sistemi vasitəsilə qəbulu nəzərdə tutulub.
 
Aynur Vəliyeva





Baxış sayı: 542

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024