12px13px15px17px
Tarix:14/04/14

Yüksək Texnologiyalar Parkı “İddialı satış və idarəetmə komandalarının qurulması” mövzusunda təlim kurslarına başlayıb

İnnovativ sahibkarlığa, ümumilikdə bu sahəyə, o cümlədən kiçik və orta sahibkarlığa dəstək mexanizmlərindən biri də onlar üçün xüsusi təlimlərin təşkili, bu təlimlərdə təcrübəli mentorlar tərəfindən beynəlxalq təcrübə əsasında verilən əhəmiyyətli tövsiyələrdir.
 
Azərbaycanın yerli şirkətləri üçün belə bir fürsəti məhz Rabitə və Yüksək Texnologiyalar Nazirliyinin tabeliyində yaradılan Yüksək Texnologiyalar Parkı (YT Park) yaradır.
 
Parkın mart ayından etibarən start verdiyi təlim kurslarında dünya səviyyəli peşəkar, Massaçusets İnstitutunun Texnologiya Sahibkarlığı Mərkəzinin təsisçisi və icraçı direktoru, ABŞ-ın  İnnovasiya və Sahibkarlıq Komitəsinin Ekspertlər Şurasının məsləhətçisi, hazırda Barselonada yerləşən "ESADE" Biznes məktəbində fəaliyyət göstərən professor Ken Mors uğurlu biznesin sirlərini iştirakçılarla paylaşır.
 
Azərbaycanın bütün iddialı şirkətləri üçün təşkil edilən silsilə təlim kurslarının budəfəki mövzusu "İddialı satış və idarəetmə komandalarının qurulması"na həsr edilib. Aprelin 14-dən başlayan kursun açılış mərasimində iştirak edən Yüksək Texnologiyalar  Parkının direktoru Seymur Ağayev iştirakçılara prezident İlham Əliyevin 5 noyabr 2012-ci il tarixli fərmanı ilə yaradılan Yüksək Texnologiyalar Parkının fəaliyyət istiqamətləri haqda məlumat verib.
 
 
Parkın əsas məqsədinin İKT sahəsində davamlı inkişafın və rəqabətli mühitin yaradılması, həmçinin sektorun dinamik inkişafının t­əmin edilmə­si, elm və innovativ texnologiyalar sah­ələ­rind­ə rəqabə­tli bazarın formalaşdırılması, eyni zamanda innovativ startuplara müvafiq dəstəyin göstərilməsi olduğuna diqqət çəkən YT Park direktoru bu baxımdan, keçirilən silsilə kursların iştirakçılar üçün faydalı olacağını bildirib.
 
 
Daha sonra təqdimata başlayan Ken Mors sahibkarların uzunmüddətli, etibarlı, səmərəli və qarşılıqlı faydaya əsaslanan müştəri-satıcı münasibətlərinin formalaşması, etimadlılıq, qlobal satış və satış menecmenti, startaplarda satışların əsas rolu, qlobal oyunçular üçün satış, müştəri emalı, satışın qurulması və idarə edilməsi, alıcı etibarının qazanılması yollarından, həmçinin müştəri-satıcı münasibətlərinin formalaşması üçün əhəmiyyətli olan digər mərhələlərdən söz açıb. Birinci təlimdə olduğu kimi, bu tədbirdə də iştirakçılarla fəal dialoqa üstünlük verən Mors təlimin ilk gününü qızğın diskussiyalarla davam etdirib. Aprelin 15-də başa çatacaq təlimin sonunda iştirakçıların münsiflər heyəti qarşısında çıxışları nəzərdə tutulur. Seçim meyarlarına görə onların arasında ən kreativ olanları seçiləcək.
 
 
Qeyd edək ki, növbəti təlimlərin 15-16 may tarixlərində keçirilməsi nəzərdə tutulur. Təlim kursları milli şirkətlərə beynəlxalq səviyyədə öz startup məhsullarının satışı və xidmətlərini təklif etmələri üçün təsirli strategiya formalaşdırmağa, erkən mərhələdə beynəlxalq səviyyədə rəqabət aparmaq üzrə bacarıqlarını artırmağa kömək etmək məqsədi daşıyır.
 
 
Həqiqət İSABALAYEVA



Baxış sayı: 533

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






16 İyul 2019

15 07 2019

15/07/19
“Microsoft” qeyri-aktiv hesabları ləğv edəcək

“Microsoft” korporasiyası qeyri-aktiv hesabları ləğv etməyə başlayacaq. Bu barədə ABŞ korporasiyasının rəsmi saytında deyilir.

15/07/19
Fərdi kompüterlərin qlobal tədarükü 5 faiz artıb

Cari ilin ikinci rübündə dünyada ənənəvi fərdi kompüterlərin tədarük həcmi 4,7 faiz artaraq 64,9 milyon ədədə çat

15/07/19
“Microsoft Word” proqramının “Android” üçün tətbiqi 1 milyard dəfə quraşdırılıb

“Microsoft” korporasiyası bu yaxınlarda öz mobil proqramlarının irəliləyişində 

15/07/19
Gəncədə məcburi köçkünlər üçün salınmış qəsəbə telefonlaşdırıldı

Nəqliyyat, Rabitə və Yüksək Texnologiyalar Nazirliyinin “Aztelekom” Məhdud Məsuliyyətli Cəmiyyəti 

15/07/19
“WhatsApp” göndərilmiş şəkli redaktə edəcək

“WhatsApp” messencerinin istifadəçiləri göndərilmiş şəkilləri redaktə edə biləcəklər

15/07/19
“Xiaomi” şirkəti Avropada yeni elmi tədqiqat mərkəzi açır

Çinin “Xiaomi” şirkəti Avropa ərazisində yeni elmi tədqiqat və təcrübi-konstruktor mərkəzi yaradacaq

15/07/19
İlk kompüter parolunun ixtiraçısı vəfat edib

Kompüter üçün ilk məşhur parolun ixtiraçısı hesab edilən Fernando Korbato 93 yaşında dünyasını dəyişib

15/07/19
“Google” istifadəçilərin səsli komandalarına qulaq asıldığını etiraf edib

“Google” korporasiyasının mütəxəssisləri istifadəçilər tərəfindən mobil qurğularda səsli köməkçiyə verilən komanda