12px13px15px17px
Tarix:23/04/14

Azərbaycanda qeydiyyatdan keçirilən dövlət qurumlarının domenlərinin sayı 2,4% artıb

Azərbaycan Respublikası dövlət orqanlarının "www.gov.az" rəsmi internet resursunda bu günədək 423 "*.gov.az" domeni qeydiyyata alınıb.

"ICTnews" xəbər xidmətinin "www.gov.az" saytına istinadən verdiyi məlumata əsasən, ilin əvvəlindən bu günədək 10 yeni dövlət orqanına aid olan domen qeydiyyatdan keçib.
 
Beləliklə, son bir neçə ay ərzində ölkədə qeydiyyatdan keçirilən dövlət qurumlarının domenlərinin sayı 2,4% artıb.
 
Bu domenlər arasında Azərbaycan Standartlaşdırma, Metrologiya və Patent üzrə Dövlət Komitəsinin "azscontrol.gov.az", "metrology.gov.az", "accreditation.gov.az", Siyəzən Rayon Bələdiyyəsinin rəsmi portalı "siyezen-bl.gov.az", Azərbaycan Əmlak Məsələləri Dövlət Komitəsinin "uris.gov.az", "nsdi.gov.az",  Azərbaycan Qiymətli Kağızlar üzrə Dövlət Komitəsinin "qkdk.gov.az",  Azərbaycan Vergilər Nazirliyinin "e-belediyye.gov.az", Azərbaycan Ədliyyə Nazirliyinin "qht.gov.az",  Azərbaycan Məcburi Köçkünlərin Sosial İnkişaf Fondunun "sfdi.gov.az" resurslarını qeyd etmək olar.
 
Qeyd edək ki, 2013-cü il ərzində ölkədə dövlət qurumlarına aid olan domenlərin sayında 6,5% artım müşahidə olunub. İl ərzində 27 dövlət orqanına aid olan domen qeydiyyatdan keçib.



Aynur Vəliyeva 
 
 



Baxış sayı: 881

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






28 Mart 2024

27 03 2024